काठमाडौं- नेपाली कांग्रेसका वरिष्ठ नेता रामचन्द्र पौडेलले क्रियाशील सदस्यताको विवाद समाधान गरेर मात्र अधिवेशन गर्नुपर्ने बताएका छन्।
प्रधानमन्त्री एवं कांग्रेस सभापति शेरबहादुर देउवानिवास बूढानीलकण्ठमा जारी कांग्रेस केन्द्रीय समिति बैठकमा बोल्ने क्रममा पौडेलले जिल्ला जिल्लाबाट विवाद लिएर कार्यकर्ताहरू आइरहेको बताए।
'कतिको नाम काटिएको छ। केन्द्रीय कार्यालयमा जारी धर्नाको सुनुवाइ गर्नु पर्यो। जिल्ला जिल्लाबाट विवाद लिएर कार्यकर्ता आइरहेका छन्। क्रियाशील सदस्यताको विवाद समाधान गरेर मात्रै अधिवेशन हुनुपर्छ', पौडेलले भने।
उनले केन्द्रीय कार्यालयमा नेता, कार्यकर्ताको धर्ना जारी रहेकाले त्यहाँबाट भागेर बूढानीलकण्ठमा बैठक गर्नुपरेको बताए।
'हामी कसरी अघि बढ्ने हो? तपाईंकै जिल्ला डडेलधुराका मान्छे सानेपामा बसेका छन्। मैले भनेर हुने होइन। तपाईंको जिल्लाको कुरा हो। पार्टी कार्यालाय छोडेर हिँड्नपर्ने अवस्थाको अन्त्य गर्ने कि नगर्ने?', पौडेलले देउवालाई प्रश्न गरे।
उनले नेतृत्व सुतुरमुर्गा शैलीमा मुन्टो लुकाएर हिँडिरहेको टिप्पणी गरे। उनले समस्या समाधान नगरि अधिवेशन हुनै नसक्ने बताए।
'जिल्लाबाट गुनासो लिएर कार्यकर्ता सानेपा आउँछन्। गुनासो कसले सुनिदिने? हामी सबै यहाँ बसेका छौं। यी समस्या कसरी टुंगो लगाउने? समस्या समाधान नगरी कसरी प्रस्ताव पास हुन्छ? पास पास मात्र भनेर हुन्छ?', पौडेलले आक्रोश पोखे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772518057.png)
-1764146706.png)
