‘चपली हाइट ३’ पुस २ देखि हलमा

सिनेमा

नेपाल लाइभ सोमबार, कात्तिक २२, २०७८ १५:१४

काठमाडौं– कोरोना महामारीका कारण पूर्व निर्धारित मितिमा प्रदर्शन रोकिएको फिल्म ‘चपली हाइट ३’को प्रदर्शन पुस २ गते हुने भएको छ।

फिल्मको निर्माण पक्षकाअनुसार डिसेम्बर १७ अर्थात् आउँदो पुस २ गते फिल्म प्रदर्शनमा आउन लागेको हो।

२०७६ चैत २७ गते प्रदर्शनको मिति तोकिएको फिल्म कोरोना महामारीका कारण प्रदर्शन हुनबाट रोकिएको थियो।

महामारी नियन्त्रणमा आएसँगै विस्तारै दर्शक सिनेमा हलसम्म पुग्न थालेपछि फिल्मलाई प्रदर्शन गर्न लागिएको हो। फिल्मको निर्माण पक्षकाअनुसार आगामी साता फिल्मको ट्रेलर सार्वजनिक हुनेछ।

निकेश खड्काको निर्देशनमा बनेको फिल्मलाई अर्जुन कुमारले निर्माण गरेका हुन्। सस्पेन्स थ्रिलर जन्रमा रहेको फिल्ममा आमिर गौतम, स्वस्तिमा खड्का, सुपुष्पा भट्टलगायतको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जानकी मन्दिरमा सवा लाख दीप प्रज्वलन( तस्विरहरु)

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने

२००७ साल पछि कुनै पनि सरकारले नगरेको काम माओवादी नेतृत्वको सरकारले गरेको नारायणकाजीको दाबी