काठमाडौं–तस्करी गरेर ल्याइएको करिब ६७ लाख रुपैयाँ बराबरको सामान र २ वटा गाडी रुपन्देही प्रहरीले नियन्त्रणमा लिएको छ।
जिल्ला प्रहरी कार्यालय रुपन्देही र मातहतका प्रहरी टोलीले ६६ लाख ५० हजार ९ सय ५० रुपैयाँ बराबरको अवैध सामान र २ वटा गाडी नियन्त्रणमा लिएको हो।
जिल्ला प्रहरी कार्यालय रुपन्देहीबाट खटिएको प्रहरी टोलीले १७ गते बिहान ४ बजे बुटवल उपमहानगरपालिका–१ तिनाउ पुलस्थित भारतबाट तस्करी गरेर ल्याइएको सामानसहित दुई वटा गाडी नियन्त्रणमा लिएको हो।
रुपन्देही सैनामैना नगरपालिका–२ बस्ने बर्ष ४० को तुलसी थारु र सोही ठाउँका वर्ष ४० कै मीनप्रसाद भण्डारीले चलाएर ल्याएको क्रमश लु १ ज ४६३६ र लु १ ज ३७८७ नम्बरको पिकअप गाडीसहित नियन्त्रणमा लिएको थियो।
उक्त गाडीमा तस्करी गरेर ल्याइएको लिपगार्ड १५ बन्डल, उनी कुर्था सुरवाल सेट २३६, चुन्नी ६०० पिस र बनारसी साडी ६७ पिस बरामद गरेको छ।
जिल्ला प्रहरी कार्यालय रुपन्देहीले कात्तिक १६ र १७ गते गरी ५१ लाख ६२ हजार ५ रुपैयाँ बराबरको सामान बरामद गरेको छ। उक्त सामानहरु स्थानीयको रोहबरमा बरामद गरी मानिस सहित पक्राउ गरी आवश्यक कारवाहीको लागि भन्सार कार्यालय बेलहिया पठाइएको रुपन्देही प्रहरीले जनाएके छ।
त्यसैगरी इलाका प्रहरी कार्यालय मंगलापुर रुपन्देहीबाट खटिएको प्रहरी टोलीले १६ गते नै बिहान ८ बजे तिलोत्तमा नगरपालिका–१५ मधवलिया चोक स्थितभारतबाट अबैध रुपमा भन्सार छली ल्याउँदै गरेको सर्ट कपडा ४७९ मिटर (२४ रोल) अन्दाजी १ लाख १९ हजार ७ सय ५० बराबरको सामान नियन्त्रणमा लिएको थियो।
१६ गते नै दिउँसो ४ बजे इप्रका मंगलापुरले तिलोत्तमा नगरपालिका–१५ कोटिहवाबाट भारतबाट तस्करी गरेर ल्ययाइएको स्पोर्ट जुत्ता २५१ जोर र छाला जुत्ता ७६ जोर गरी ५ लाख ३४ हजार ९ सय ५० रुपैयाँ राबरको सामान बरामद गरेको थियो।
वडा प्रहरी कार्यालय भैरहवा रुपन्देहीबाट खटिएको प्रहरी टोलीले कात्तिक १५ गते मायादेवी गाउँपालिका–८ बिश्वकर्मा मन्दिर स्थित भारतबाट अबैधरुपमा भन्सार छली, ल्याएको चिनीलेडिजकुर्ता, पावर स्टेरिङ पम्प, पावर स्टेरिङ किट लगायत गरी अन्दाजी ४ लाख ४८ हजार ५ सय रुपैयाँ बराबरको सामान बरामद गरेको छ।
प्रहरी चौकी ठर्कीले मर्चवारी गाउँपालिका–६ ठर्का स्थित लु १ ज २९९९ नम्बरको पिकअप गाडीमार्फत भारतवाट नेपाल तर्फ भन्सार छली पैठारी गरी ल्याउदै गरेको अन्दाजी ४ लाख बराबरको सामान बरामद गरेको छ।
त्यसैगरी प्रहरी चौकी शुक्रौलीआमा रुपन्देहीबाट खटिएको प्रहरी टोलीले लुम्बिनी सांस्कृतिक नगरपालिका–१२ सुक्रौलिआमा स्थित भारतबाट भन्सार छली अवैध रुपमा ल्याउदै गरेको ६० हजार रुपैयाँ बराबरको विभिन्न किसिमका लत्ताकपडा बरामद गरेको छ।
प्रहरी चौकी कालिदहले पनि भारतबाट ल्याइएको २० हजार रुपैयाँ बराबरको अवैध सामान बरामद गरेको छ।
इलाका प्रहरी कार्यालय मझगावा रुपन्देहीबाट खटिएको प्रहरी टोलीले कात्तिक १४ गते मायादेवि गाउँपालिका–६ शिवपुर स्थित भारतबाट अबैध रुपमा ल्याउदै गरेको १३ हजार बराबरको सामान बरामद गरेको छ।
प्रहरी चौकी दुर्गौलियाबाट खटिएको प्रहरी टोलीले भारतबाट तस्करी गरेर ल्याइएको १२ हजार रुपैयाँ बराबरको विभिन्न सामान कात्तिक १५ गते मायादेवि गाउँपालिका–६ भन्सारचोकबाट बरमद गरेको छ। बरामद सबै सामान भन्सार कार्यालय बेलहिया पठाइएको रुपन्देही प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
