काठमाडौं– साढे ४ लाख रुपैयाँ नगदसहित दाङ प्रहरीले २० जना 'जुवाडे' पक्राउ गरेको छ।
घोराही उपमहानगरपालिका–१८ रझेनास्थित यज्ञ खड्काको घरमा अवैध रुपमा जुवा खेल्दै गरेको अवस्थामा प्रहरीले २० जनालाई पक्राउ गरेको हो।
पक्राउ पर्नेमा खड्कासहित घोराही–१४ का २९ वर्षीय लालबहादुर हमाल, घोराही १५ का ५१ वर्षीय रामप्रसाद गिरी, सोही ठाउँका ५० वर्षीय रबिन श्रेष्ठ, सोही ठाउँका २८ वर्षीय मानबहादुर बुढा, घोराही– १४ का ४२ वर्षीय प्रमोद गौतम, तुलसीपुर उपमहानगरपालिका– १५ का ४६ वर्षीय शुभाष धिताल, सोही ठाउँका ४२ वर्षीय यज्ञ प्रताप बस्नेत छन्।
यस्तै, घोराही– १५ का ५२ वर्षीय कुलराज वली, घोराही–१६ का २४ वर्षीय हरि रावत भनिने छबि गिरी, घोराही–१५ का ५७ वर्षीय सरद लामिछाने, सोही ठाउँका ४२ वर्षीय गिरीराज खत्री भनिने धुर्व केसी, घोराही–१९ का ५६ वर्षीय ईश्वर रायमाजी, घोराही–१४ का ३६ वर्षीय कमल घर्ती मगर, घोराही–४ का ठा ६२ वर्षीय श्रीधर अधिकारी भनिने पूर्ण अधिकारी र घोराही ५ का ५६ वर्षीय रबिन पछाइ भनिने केशव बहादुर अधिकारीलाई प्रहरीले पक्राउ गरेको छ।
प्रहरीले तुलसीपुसर उपमहानगरपालिका– १५ का ५२ वर्षीय चेतनाथ धिताल, रोल्पाको रुन्टीगढी गाउँपालिका–२ का २४ वर्षीय रुपाल विक, सर्लाहीको लालबन्दी नगरपालिका– १२ घर भएका ४८ वर्षीय समिर लामा र दाङको घोराही–१५ घर भएका ५७ वर्षीय महाबिर वलीलाई प्रहरीले जुवा खेल्दा खेल्दै पक्राउ गरेको हो।
पक्राउ परेकाको साथबाट नगद ४ लाख ६४ हजार ८८१ रुपैयाँ, विभिन्न किसिमका मोबाइल २१ थान र कौडा बरामद भएको जिल्ला प्रहरी कार्यालय दाङले जानकारी दिएको छ।
पक्राउ परेका २० जनामाथि थप अनुसन्धान भइरहेको प्रहरीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
