अनुप निर्देशित ‘ये मर्द बेचारा’ पुरुष दिवसमा प्रदर्शन हुँदै

समाचार

नेपाल लाइभ सोमबार, कात्तिक १५, २०७८ १४:२२

काठमाडौं– निर्देशक अनुप थापाको निर्देशनमा बनेको फिल्म ‘ये मर्द बेचारा’को ट्रेलर रिलिज भएको छ। भारतकी दिग्गज अभिनेत्री सीमा पाहवासहित अन्य कलाकारको अभिनय रहेको फिल्मको ट्रेलर आइतबार सार्वजनिक गरिएका हो। यही फिल्मबाट पाहवाकी छोरी मनुकृति पाहवाले पनि बलिउडमा डेब्यु गर्दै छिन्।

फिल्ममा समाजमा पुरुषले दैनिक भोग्ने समस्याहरुलाई रमाइलो शैलीमा देखाइएको छ। समाजमा रहेको रुढिवादी सोच र परम्पराबीच पुरुषले भोग्नुपर्ने समस्याहरुलाई हास्यव्यंग्यको शैलीमा फिल्ममा प्रस्तुत गरिएको छ।

१९ नोमेम्बरमा अन्तर्राष्ट्रिय पुरुष दिवसको अवसर पारेर देशैभरका सिनेमाघरहरुमा प्रदर्शन हुने फिल्म ‘ये मर्द बेचारा’मा सीमा पाहवा र मनुकृति पाहवासँगै बृजेन्द्र काला र अतुल श्रीवास्तवको पनि अभिनय रहेको छ।

फिल्मको लेखनपनि थापाले नै गरेका छन्। २ एडियट्स फिल्म्स र शिवम् अग्रवालको संयुक्त लगानीमा निर्माण भएको फिल्ममा पटकथा, संवाद, संगीत तथा गीत लेखन सबै निर्देशक थापाले नै गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने