‘आरआरआर’मा दुई समयको कथा, जेआर एनटीआर र राम चरण मुख्य भूमिकामा

सिनेमा

नेपाल लाइभ सोमबार, कात्तिक १५, २०७८ १३:२९

काठमाडौं– दक्षिण भारतको बहुप्रतिक्षित फिल्म ‘आरआरआर’का केही झलक सार्वजनिक भएका छन्। एनटीआर जेआर, राम चरणजस्ता दक्षिण भारतीय सिनेमाका चर्चित हस्तीहरुसँगै बलिउडका अजय देवगन, आलिया भट्ट लगायतको अभिनय रहेको फिल्मका केही दृश्यहरुलाई युट्युबमार्फत सार्वजनिक गरिएको हो।

युट्युबमा सार्वजनिक भएको भिडियोमा फिल्म पूर्ण रुपमा एक्सनले भरिएको देख्न सकिन्छ। भिएफएक्सदेखि कास्टिङसम्ममा फिल्म अब्बल रहने सार्वजनिक दृश्यहरुले देखाएका छन्। फिल्ममा एनटीआर जेआर (कोमारम भिल), राम चरण (अल्लुरी सितारामा राजु) र आलिया भट्ट (सीताणको भूमिकामा देखिने छन्।

फिल्ममा १९२० को दशकमा आफ्नो देशका लागि लडेका दुई भारतीयहरुको कथालाई देखाइएको छ। फिल्ममा दुई फरक फरक समयको कथालाई प्रस्तुत गरिएको छ।

२०२२ को जनवरी ७ मा प्रदर्शनको मिति तोकिएको फिल्मलाई ‘बाहुबली’का निर्देशन एसएस राजामौलीले निर्देशन गरेका हुन्। फिल्मको पटकथा पनि राजामौलीले नै लेखेका हुन्। डिभिभि दानाय्याको लगानीमा निर्माण भइरहेको यो फिल्म हिन्दी, तेलगु, तामिल, कन्नडा र मलायमसहितका भाषाहरुमा प्रदर्शन हुँदै छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जानकी मन्दिरमा सवा लाख दीप प्रज्वलन( तस्विरहरु)

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने

२००७ साल पछि कुनै पनि सरकारले नगरेको काम माओवादी नेतृत्वको सरकारले गरेको नारायणकाजीको दाबी