काठमाडौं– कोरोना कालपछि सिनेमा हल खुल्दा अन्य फिल्मसँगको भिडन्तबिनै एकल प्रदर्शन जस्तै अवस्था पाएको थियो सोभित बस्नेत निर्देशित फिल्म ‘डाँडाको वरपीपल’ले। सोभितको फिल्मसँगै अर्को नेपाली फिल्म ‘धन्धागिरी’ प्रदर्शन भएपनि प्रचार प्रसार र फिल्ममा भएका अनुहारहरुको कारण ‘डाँडाको वरपीपल’को एकल वर्चस्व थियो।
तर, फिल्म चल्न सकेन। हलमा दर्शकको लगभग शून्य उपस्थिति भएपछि फिल्मलाई सिनेमा हलबाट हटाइयो। असोज २६ बाट प्रदर्शनमा आएको फिल्म केही दिनपनि राम्रोसँग दर्शकको उपस्थितिमा सिनेमा हलमा प्रदर्शन हुने पाएको थिएन।
दर्शकदेखि फिल्मकर्मीहरुले नै फिल्म नचल्नुका थुप्रै कारण औंल्याए। कतिपयले सोभित बस्नेतले अनायासै निकालेको ‘महानायक’ विवादका कारण फिल्मलाई नोक्सान भएको कारण बताए भने कतिपयले सिनेमा हलमा दर्शक आउने माहोल नभएको कारण औंल्याए।
सोभित आफैंले भने फिल्म नचल्नुको कारण दर्शक सिनेमा घरसम्म आउने माहोल नभएको र कोरोनाले थलिएको फिल्म क्षेत्र उठिनसकेको बताइरहे। उनले आफूले झिकेको ‘महानायक’ विवादको असरका कारण फिल्म नचलेको भन्ने तर्कलाई नकार्न कुनै कसर बाँकी राखेनन्।
तर, स्मरण होस, सँगै प्रदर्शनमा आएका अंग्रेजी फिल्ममा उत्साहजनक दर्शकको उपस्थिति हुँदा सोभितको फिल्मले भने एक दर्जन दर्शक पनि पाउन हम्मेहम्मे परेको थियो।
सिनेमा हलमा आफ्नो फिल्म फ्लप भएपछि उक्त फिल्मलाई अब ओटिटी माध्यमबाट प्रसारण गर्ने जमर्को गरेको छ, ‘डाँडाको वरपीपल’ को निर्माण टिमले। फिल्म डिसहोमको फिल्म प्रसारण हुने ‘च्यानल नम्बर ८८८’ बाट कात्तिक ११ गतेदेखि प्रदर्शन हुँदै छ। उक्त च्यानलबाट फिल्मलाई २ सय २५ रुपैयाँ तिरेर एक शो हेर्न सकिने व्यवस्था गरिएको छ।
एकातिर पुरानै कथामा पुरानै प्रस्तुतीसहित निर्माण भएको फिल्म र अर्कातिर फिल्मको प्रचारको लागि नेपाली दर्शकका सर्वप्रिय नायक राजेश हमाललाई ‘महानायक’ होइन भन्ने विवाद झिकेका कारण ओटिटीमा पनि सिनेमा हलमा जस्तै सोभितको फिल्मलाई नोक्सान नै हुने सम्भावना बढी देखिन्छ। दशैंतिहारको मौकामा सिनेमा हल नपुगेका दर्शकले ओटिटीमा किनेर फिल्म हेर्लान् वा नहेर्लान, त्यो आगामी दिनमा नै थाहा होला।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
