झारफुक गर्ने क्रममा शरीरका विभिन्न भागमा टोक्दा श्रीमती र छोरीको मृत्यु, श्रीमान् पक्राउ

सुरक्षा/अपराध

नेपाल लाइभ मंगलबार, कात्तिक ९, २०७८ ११:३८

काठमाडौं– झारफुक गर्ने क्रममा शरीरका विभिन्न भागमा टोक्दा आमाछोरीको मृत्यु भएको छ। इलाम देउमाई नगरपालिका–५ बारुङ का ३३ वर्षीय कमल तामाङले झारफुक गर्ने क्रममा आफ्नै श्रीमती र छोरीको मृत्यु भएपछि उनलाई प्रहरीले पक्राउ गरेको छ।

मंगलबार बिहान ६ बजे उनले आफ्नै घरभित्र घर परिवारका सदस्य राखी धामी बसी विगतदेखि बेला बखत बेहोस हुने बिरामी रहेकी श्रीमती ३४ वर्षीया सीता तामाङ र छोरी १६ वर्षीया शिक्षा तामाङको झारफुक गर्ने क्रममा घाँटी तथा शरीरको विभिन्न भागमा टोक्दा उनीहरुको मृत्यु भएको हो।

घटनाको जानकारी पाएलगतै अस्थाई प्रहरी चौकी गजुरमुखीधामबाट खटिएकाे प्रहरी टोलीले कमल तामाङलाई नियन्त्रणमा लिएको हो। घटनाबारेमा थप अनुसन्धान भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आजदेखि बजेट अधिवेशन, प्रधानमन्त्री ओलीले सम्बोधन नगर्ने

शिक्षक आन्दोलनप्रति पार्टी संवेदनशिल छ – कार्यवाहक सभापति खड्का

भूकम्प २०७२ को स्मृतिमा सचेतनामुलक कार्यक्रम सम्पन्न