‘सत्यमेव जयते’को ट्रेलर सार्वजनिक, त्रिपल रोलमा देखिँदै छन् जोन अब्रहाम

सिनेमा

नेपाल लाइभ मंगलबार, कात्तिक ९, २०७८ ११:३३

काठमाडौं– बलिउड अभिनेता जोन अब्रहामको आगामी फिल्म ‘सत्यमेव जयते’को ट्रेलर रिलिज भएको छ। सोमबार ‘टि सिरिज’ युट्युब च्यानलमार्फत फिल्मको ट्रेलर सार्वजनिक भएको हो। ट्रेलरमा देखाइएअनुसार जोन फिल्ममा तीन वटा भूमिकामा देखिएका छन्।

फिल्मका निर्देशक मिलाप झावेरीले बताएअनुसार फिल्ममा जोन सत्या, जय र दादा साहेब आजादको भूमिकामा देखिएका छन्। तीन पात्रहरुमध्ये सत्या राजनीतिक नेता हुन् भने जय प्रहरी अधिकारी हुन्छन्। दुवै जना दाजुभाइ हुन्।

दुई भाइ आफ्नो बुबा दादा साहेब आजादको भारतलाई भ्रष्टाचार मुक्त बनाउने सपनालाई पूरा गर्न जुटेको कथा फिल्ममा देखाइएको छ। निर्देशक मिलापका अनुसार दादा साहेब आजादको भूमिका एक देशभक्तको रुपमा रहेको छ। सत्याको रुपमा पनि जोनले दुई जिन्दगी बाँचेका छन्, एकमा उनी राजनीतिक नेता हुन्छन् भने अर्को पहिचान हालसम्म सार्वजनिक गरिएको छैन।

फिल्मका निर्देशक मिलापले ट्रेलर सार्वजनिक भएको अवसरमा भारतीय सञ्चारमाध्यमलाई बताएअनुसार उनले मिल्ने भएमा जोन अब्रहामलाई नै फिल्मको सबै भूमिकामा खेलाउने थिए। उनले भनेका छन्, ‘मैले भनेको जस्तो मिल्ने भए त म हरेक भूमिकामा जोन अब्रहामलाई नै कास्ट गर्ने थिए। तर, त्यो सम्भव छैन।’

अब्रहामको यो फिल्म २५ नोबेम्बरमा प्रर्दशन हुने बताइएको छ। फिल्ममा अब्रहामसँगै दिब्य कोस्ला कुमारलगायतको अभिनय छ। फिल्मलाई भुसन कुमारले निर्माण गरेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)