काठमाडौं- मोरङको सिटिजन्स बैंकबाट नगद लुटपाटमा संलग्न रहेकामध्ये थप एक जना पक्राउ परेका छन्।
धनपालथान गाउँपालिका-४ स्थित कर्सियाको बीपी चोकमा रहेको सिटिजन्स बैंकबाट असोज २५ गते नगद लुटपाट भएको घटनामा संलग्न रहेको अभियोगमा भारत फारवेसगञ्ज १० बस्ने २० वर्षीय रोशन यादवलाई प्रहरीले पक्राउ गरेको हो।
उक्त घटनामा संलग्न अन्य तीन जना भने यसअघि नै पक्राउ परिसकेका छन्। बैंकबाट नगद लुटपाट गरेको घटनामा संलग्न रही फरार रहेका रोशनलाई सुनवर्षी नगरपालिका-८ सिक्टी नेपाल चोक नजिकबाट प्रहरीले पक्राउ गरेको हो।
घटनाका सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771309463.png)
-1764146706.png)
