फाइल तस्बिर
काठमाडौं- आज रातिदेखि कात्तिक ३ गतेसम्म महाकाली, सेती, भेरी नदी र सुदूरपश्चिम प्रदेशको मध्यपहाड, चुरे र तराई भइ बहने स-साना नदीहरुमा बहाब उल्लेख्य बढ्ने भएकाले सतर्कता अपनाउन जल तथा मौसम विज्ञान विभागअन्तर्गतको बाढी पूर्वानुमान महाशाखाले आग्रह गरेको छ।
कर्णाली, नारायणी, कोशी, तिनाउ, कन्काई नदी तथा कर्णाली, लुम्बिनी, गण्डकी, बागमती प्रदेश, प्रदेश १ को मध्यपहाड, चुरे र तराई भइ बहने स-साना नदीहरुमा बहाव बढ्ने र केहीमा आकस्मिक बहाब हुनसक्ने पूर्वानुमान गरिएको छ।
उल्लेखित नदीहरुका तटीय क्षेत्रहरूमा उक्त अवधिभर विशेष सावधानी अपनाउन महाशाखाले अनुरोध गरेको छ।
'असोज ३१ रातिदेखि कात्तिक ३ गतेसम्म महाकाली, सेती, भेरी नदी र सुदूरपश्चिम प्रदेशको मध्यपहाड, चुरे र तराई भइ बहने स-साना नदीहरुमा बहाब उल्लेख्य बढ्ने र केहीमा सतर्कता तह आसपास पुग्न सक्ने; कर्णाली, नारायणी, कोशी, तिनाउ, कन्काई नदी तथा कर्णाली, लुम्बिनी, गण्डकी, बागमती प्रदेश, प्रदेश १ को मध्यपहाड, चुरे र तराई भइ बहने स-साना नदीहरुमा बहाव बढ्ने र केहीमा आकस्मिक बहाब हुनसक्ने पूर्वानुमान रहेकाले उल्लेखित नदीहरुका तटीय क्षेत्रहरूमा उक्त अवधिभर विशेष सावधानी अपनाउनहुन अनुरोध छ,' महाशाखाद्वारा जारी विज्ञप्तिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768557442.png)
-1768554549.png)
-1764146706.png)
-1768395492.png)
