मलिका ‘सत्यम’मा अनुबन्धित

सिनेमा

नेपाल लाइभ शनिबार, असोज २३, २०७८ १५:२६

काठमाडौं- पछिल्लो समय म्युजिक भिडियोमा व्यस्त रहेकी अभिनेत्री हुन्, मलिका महत। कुनै समय ‘यात्रा’ चलचित्र गरेकी उनी त्यसपछि गुमनाम जस्तै भइन्। उनले अभिनय गरेको दोस्रो फिल्म ‘पानीफोटो’ प्रदर्शनमा आउन बाँकी नै छ।

चलचित्रले त्यत्ति नफापेकी अभिनेत्री महतलाई म्युजिक भिडियोले भने निकै फाइदा पुर्‍याएको छ। पछिल्लो समय उनले खेलेको ‘फुलबुट्टे सारी’ बोलको गीतको म्युजिक भिडियोले त झन् उनलाई मनोरञ्जन क्षेत्रमा 'कमब्याक' नै गराएको छ।

म्युजिक भिडियोमा सफल देखिएकी मलिकाले अब भने फिल्म पनि खेल्ने भएकी छिन्। शंकर कार्कीको निर्देशनमा बन्न लागेको फिल्म ‘सत्यम’मा मलिकालाई अनुबन्धित गरिएको हो। फिल्मका निर्माता रेशम सापकोटाले सामाजिक सञ्जालमार्फत् मलिकालाई अनुबन्धित गरिएको जानकारी दिएका हुन्।

राजेश हमालको कमब्याक भनेर प्रचार गरिएको फिल्ममा मलिकासँगै म्युजिक भिडियोमा रुचाइएका पल शाहसमेत अभिनय गर्दै छन्। म्युजिक भिडियोमा निकै रुचाइएको यो जोडीलाई फिल्ममा पनि सँगै देख्‍न पाइने भएको छ।

सत्यम फिल्म अहिले प्रि-प्रोडक्सनको क्रममा छ। फिल्ममा राजेश हमाल, पल शाह, अनुप विक्रम शाही, अभय बराल, मलिका महतलगायतका कलाकार मुख्य भूमिकामा छन्।

फिल्म नवयुग सिनेमाको ब्यानरमा बन्न लागेको हो। यसलाई रेशम सापकोटाले लेखन तथा निर्माण गरेका छन् भने यसको सहनिर्मातामा श्याम मल्ल र कृष्ण जोशी रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)