काठमाडौं– विश्वप्रख्यात साहित्यकार विलियम सेक्सपियरद्वारा लेखिएको नाटक ‘एज यु लाइक इट’ आजदेखि शिल्पी थिएटरमा मञ्चन हुँदै छ।
ग्रेटा राणाले निर्देशन तथा एडप्ट गरेको नाटक असोज १५ देखि १७ सम्म शिल्पी थिएटरमा प्रदर्शन हुँदै छ। ‘रोम्यान्टिक पेस्टोरल कमेडी’ विधाको यो नाटक सेक्सपियरले सन् १५९९ मा लेखेको विश्वास गरिन्छ। नाटक पहिलो पटक भने १६०३ मा प्रदर्शन भएको थियो।
राणाले निर्देशन गरेको नाटकमा आशान्त शर्माले सहायक निर्देशनको भूमिका निभाएकी छिन्। नाटकमा आशान्त शर्मा, समापिका गौतम, विजया कार्की, सुरभी सापकोटा, सन्दीप श्रेष्ठ, राजन थापा, सुश्रुत आचार्य, उत्पल झा, आडेन बात्रीलगायतको अभिनय छ।
नाटक तीनै दिन साँझ ५ः३० मा प्रदर्शन हुनेछ। शनिबार भने यसको दुई वटा शो राखिएको छ। शनिबार दिउँसो १ बजे पनि नाटक मञ्चन हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
