१३ वर्षअघिको अपहरण घटना : अभियुक्त बुढाथोकीले पाए सफाइ

सुरक्षा/अपराध

नेपाल लाइभ मंगलबार, असोज ५, २०७८ २१:४७

काठमाडौं- भ्याली कोल्ड स्टोरका सञ्चालक बाबुराजा रावलको अपहरणमा संलग्न भएको आरोप लागेका 'सोलेर कुमार' भनिने दुर्गाबहादुर बुढाथोकीले सफाइ पाएका छन्।

जिल्ला अदालत काठमाडौंका न्यायाधीश अम्बिकाप्रसाद निरौलाको इजलासले मंगलबार उनलाई सफाइ दिने फैसला गरेको हो। अपहरणको अभियोग पुष्टि नहुने भन्दै उनलाई सफाइ दिएको छ।

प्रहरीको केन्द्रीय अनुसन्धान ब्युरो (सीआईबी)ले बुढाथोकीलाई रावलको अपहरण काण्ड भएको १२ वर्षपछि २०७७ पुसमा पक्राउ गरेको थियो। फरार रहेका बुढाथोकीलाई भारतको दार्जिलिङबाट पक्राउ गरी काठमाडौं ल्याइएको थियो।

त्यसअघि बुढाथोकी एक पटक पक्राउ परेर पनि हिरासत ब्रेक गरी फरार भएका थिए भने एक पटक प्रहरीको पन्जा फुत्किएका थिए।

२०६५ पुस १ गते भ्याली कोल्ड स्टोरका सञ्चालक बाबुराजा रावलको अपहरण भएको थियो। मारुती गाडीमा हालेर चार/पाँच जनाको समूहले मुखमा पट्टी बाँधेर रावलको अपहरण गरेको थियो। उक्त कार्यमा संलग्न रहेको आरोप बुढाथोकीमाथि लागेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रुसले युक्रेनमा गरेको ड्रोन र मिसाइल आक्रमणमा परी १३ जनाको मृत्यु

रास्वपा केन्द्रीय समिति बैठक बस्दै

बाढीपहिरो गएको हप्तादिन पछि हुम्ला पुग्यो कर्णाली प्रदेश सरकारको राहत, वितरण हुँदै