नेपाल–युरोपियन फिल्म फेस्टिभल सुरु

सिनेमा

नेपाल लाइभ शुक्रबार, असोज १, २०७८ १०:२३

काठमाडौं– नेपाल–युरोपियन चलचित्र फेस्टिभलको १० औं संस्करण सुरु भएको छ। नेपालका लागि युरोपेली डेलिगेशनले आयोजना गरेको चलचित्र महोत्सव शुक्रबारबाट भर्चुअल रुपमा सुरु भएको हो। महोत्सव असोज ९ गतेसम्म चल्ने आयोजकले जनाएका छन्।

शुक्रबारबाट सुरु भएको महोत्सवमा विश्वभरबाट विभिन्न पुरस्कार जितेका १५ चलचित्र प्रदर्शन गरिनेछ, जसमध्ये ११ वटा चलचित्र युरोपेली छन्। पुरस्कार जितेका चलचित्रमध्ये दुई चलचित्र नेपाली भाषामा सबटाइटलसहित प्रदर्शन गरिनेछ।

त्यस्तै, महोत्सवमा तीन नेपाली चलचित्रसमेत समावेश गरिएको छ। विनोद पौडेलले निर्देशन गरेको ‘बुलबुल’, धोन्डुप छिरिङले निर्देशन गरेको ‘आमा खान्दो’ तथा सजियो बास्सोले निर्देशन गरेको ‘सरिता’ महोत्सवमा प्रदर्शन हुँदै छन्।

महोसत्वको १० औं संस्करणमा २३ वटा वन्यजन्तु संरक्षण, वातावरण तथा जलवायु परिवर्तनसँग जोडिएका चलचित्रहरु प्रदर्शन गरिनेछन्। भारतको वातावरणसँग जोडिएको नन्दन सक्सेना तथा कविता भालले निर्देशन गरेको ‘आई क्यान नट गिभ यू माई फरेस्ट’, नेपालकी एक स्थानीय महिला संरक्षणवादीको कथा समेटिएको ‘फायरफक्स गार्डियन’लगायतका वातावरणसँग सम्बन्धित चलचित्र प्रदर्शन हुनेछन्।

फेस्टिभलमा ‘लैंगिक समानता’को विषयमा आधारित रहेर लघु चलचित्र प्रतियोगितासमेत हुँदैछ। प्रतियोगिताका लागि भदौ १५ सम्म प्राप्त चलचित्रहरुमध्येबाट विजता छानिनेछ। विजेताले ५ सय युरो पुरस्कार पाउनेछ।

फेस्टिभलमा प्रदर्शन हुने सबै चलचित्रलाई भर्चुअल माध्यमबाट महोत्सवकै वेबसाइटमा हेर्न सकिने आयोजकले जनाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)