काठमाडौं- नेकपा एमाले र माओवादी केन्द्रबीच पार्टी एकीकरण गर्ने समझदारी भएको छ। आजै आगामी निर्वाचनमा एकसाथ जाने सहमति गरेका दुई दलले पार्टी एकीकरणको काम पनि सँगसँगै अघि बढाउने निर्णय गरेका हुन्।
माओवादी केन्द्रका नेता नारायणकाजी श्रेष्ठले भने, 'पार्टी एकीकरणमा शीर्षतहमा समझदारी जुटेको छ। साँझ ५ बजे एकीकरणका लागि दुवै पार्टीका तर्फबाट वार्ता समिति सार्वजनिक हुनेछ।'
ललितपुरको मानभवनस्थित एक घरमा दुवै दलका शीर्ष नेताबीच भएको छलफलपछि पार्टी एकीकरणका विषयमा समझदारी जुटेको हो। दुवै पार्टीको संयुक्त पत्रकार सम्मेलन साँझ ५ बजे राष्ट्रियसभा गृहमा हुँदैछ।
यसैगरी, आसन्न प्रदेश र प्रतिनिधिसभा निर्वाचनमा ६० र ४० को भागवण्डासहित एकसाथ जाने विषयमा भएको ७ बुँदे सहमतिमा दुवै दलका शीर्ष नेताले हस्ताक्षर गरेको नेता श्रेष्ठले बताएका छन्। संयुक्त पत्रकार सम्मेलनमा उक्त सहमतिपत्र पनि सार्वजनिक गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1794455419.jpg)
-1786602170.png)
