काठमाडौं– ग्राण्डस्लाम टेनिस युएस ओपनको उपाधि इम्मा राडुकानुले जितेकी छन्। गएराति सम्पन्न फाइनलमा १८ वर्षीया राडुकानुले क्यानडाकी लेलाह फर्नान्डेजलाई २–० को सहज सेटमा पराजित गरेकी हुन्।
ब्रिटिस खेलाडी राडुकानुले फर्नान्डेजलाई ६–४ र ६–३को सोझो सेटमा पराजित गरेकी हुन्।
उनले बेलायतका लागि ४४ वर्षपछि यूएस ओपनको उपाधि जितेकी हुन्। यसअघि सन् १९७७ मा भर्जिनिया वाडेले यूएस ओपनको उपाधि जितेकी थिइन्।
इम्माले छनोट चरण पार गरेर प्रतियोगिता खेलेकी थिइन्। छनोटबाट आएकै वर्ष प्रतियागिता जित्ने उनी पहिलो खेलाडीसमेत बनिन्। छनोटदेखि फाइनल प्रतियोगितासम्म एउटा सेट पनि नहार्ने कीर्तिमानसमेत उनले बनाइन्।
यस संस्करणको युएस ओपन फाइनलमा पुगेका दुवै खेलाडी वरीयताविहीन हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767930190.png)
-1764146706.png)
