इन्द्रबहादुर राईको कथा ‘जार’मा आधारित फिल्मको टिजर सार्वजनिक

सिनेमा

नेपाल लाइभ शुक्रबार, भदौ २५, २०७८ १८:२५

काठमाडौं- इन्द्रबहादुर राईको बहुचर्चित कथामा आधारित रहेर फुर्वाछिरिङ लामाले निर्देशन गरेको फिल्म ‘जार’को टिजर सार्वजनिक भएको छ।

अभिनेत्री, गिताञ्जली थापा तथा अभिनेताद्वय सौगात मल्ल र अनुपबिक्रम शाहीको मुख्य भूमिका रहेको फिल्मको टिजर शुक्रबार सार्वजनिक भएको हो।

भारतमा राष्ट्रिय अवार्ड विजेता रहेकी अभिनेत्री थापामै केन्द्रित रहेर फिल्म तीन पात्रको वरिपरि घुमेको छ। सन् १८ सयको दशकको अन्त्यतिर सिक्किमको समाजमा घटेको यथार्थ घटनामा आधारित कथालाई आधार मानेर निर्माण भएको फिल्मको सम्पूर्ण छायांकन सोही स्थानमा गरिएको हो।

मगर जातकी महिला र गुरुङ जातको पुरुष आफ्नो समूदायबाट बहिस्कार गरिएपछि ‘मुगलहरुको राज्य’मा पुगेपछिको कथालाई फिल्ममा देखाइएको टिजरमा देखाइएको छ।

‘फेर्री टेल पिक्चर्स’ले ‘होम रिल्स’ तथा ‘एल सेभेन सर्टस’सँगको सहकार्यमा फिल्म निर्माण भएको हो। फिल्ममा संगीत झुमा लिम्बु र गंगा थापाले दिउका छन् भने यसमा शब्द हर्क साउद र भुपाल राइको रहेको छ। अभिषेक ओझाको रंग संयोजनमा रहेको फिल्मलाई अखिलेश राईले सम्पादन गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)