चार वर्षपछि हलिउडमा फर्किदैं दीपिका

सिनेमा

नेपाल लाइभ मंगलबार, भदौ १५, २०७८ १०:५९

काठमाडौं- सन् २०१७ मा ‘एक्सएक्सएक्सः रिर्टन अफ जेन्डर केज’ फिल्ममार्फत हलिउडमा डेब्यू गरेपछि अभिनेत्री दीपिका पादुकोणले अन्य हलिउड फिल्ममा अभिनय गरेकी थिइनन्।

चार वर्षसम्म हलिउडबाट टाढा रहेर हिन्दी फिल्ममै देखिएकी दीपिका फेरि हलिउड फिल्ममा देखिने भएकी छिन्। दीपिकाले निर्माण कम्पनी ‘एसटिएक्स फिल्म’ले निर्माण गर्न लागेको फिल्ममा अभिनय गर्ने भएकी हुन्।

निर्माण कम्पनीले सोमबार दीपिकाले आफूले बनाउन लागेको फिल्ममा अभिनय गर्ने सम्झौता भएको सार्वजनिक गरेको थियो। कम्पनीका प्रमुख एडेम फोगेलसनकाअनुसार फिल्मको कथा दीपिकाकै वरपरि रहेर निर्माण गरिने छ। विभिन्न क्षेत्रको संस्कृतिमा आधारित रहेर बन्न लागेको फिल्ममा रोम्यान्टिक कथालाई प्रस्तुत गरिदैं छ।

‘भारतबाट विश्वव्यापी रुपमा चिनिने कलाकारमध्ये दीपिका पनि एक हुन्,’ कम्पनीले फिल्मबारे जानकारी दिदैं भनेको छ, ‘राष्ट्रियसँगै अन्तराष्ट्रिय रुपमा उनी उत्तिकै सफल छिन्। उनकै कथामा आधारित रहेर भारत र न्युयोर्कमा खिच्ने गरि हामीले फिल्म बनाउँदै छौं।’

दीपिकाले पनि आफू यो कामको लागि उत्साहित भएकाले प्रभावशाली छाप छाड्ने गरि अभिनय गर्ने बताएकी छिन्। हाल शाहरुख खानसँगै ‘पठान’ फिल्मको अभिनयमा व्यस्त रहेकी दिपीकाले आफ्नो दोस्रो हलिउड फिल्मबाट धेरै आशा गरेको बताएकी छिन्। हालसम्म दीपिकाले गर्ने फिल्मको नाम सार्वजनिक गरिएको छैन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)