स्कारलेट र क्रिस इभान सँगै देखिँदै

सिनेमा

नेपाल लाइभ सोमबार, भदौ १४, २०७८ १८:४२

काठमाडौं- ‘मार्भल’का फिल्म प्रशंसकका लागि स्कारलेट जोहानसन र क्रिस इभान नयाँ नाम होइन। ‘एभेन्जर्स’मा सँगै देखिएका यी दुई हलिउड कलाकारले मार्भलका फिल्ममा प्रमुख भूमिका निभाएका छन्। स्कारलेटको ‘ब्ल्याक विडो’को भूमिका र क्रिसको ‘क्याप्टेन अमेरिका’को भूमिका मार्भलका दर्शकमाझ चर्चित अभिनय हुन्।

‘एभेन्जर्स’मा सहकार्य गरेका यी दुईले मार्भलभन्दा बाहिर निस्किएर सँगै फिल्म गर्ने भएका छन्। डेक्स्टर फ्लेट्चरको निर्देशनमा बन्ने ‘घोस्टेड’ नामक फिल्ममा यी दुईले सहकार्य गर्न लागेका हुन्। डेक्स्टर ‘रकेटम्यान’ र ‘बोहिमेन र्‍यापसोडी’ जस्ता चर्चित फिल्म निर्देशन गरिसकेका निर्देशक हुन्।

सञ्चारमाध्यमका अनुसार क्रिस फिल्ममा अभिनयसँगै फिल्मलाई निर्माण पनि गर्दै छन्। फिल्मको कथावस्तु हालसम्म पूर्णरुपमा सार्वजनिक नगरिए पनि यसलाई सन् १९८४ मा प्रदर्शनमा आएको ‘रोम्यानसिङ द स्टोन’को कथामा आधारित रहेर बन्ने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)