काठमाडौं- गायिका ज्योती मगरको आफ्नै धार थियो। प्रायः गीतसंगीत क्षेत्रले ‘भड्किला’ र उत्तेजक भनिएका गीतहरुमा मात्रै सुन्न पाइन्थ्यो उनलाई। तर, यस पटकको तीजमा उनी फरक किसिमले प्रस्तुत भएकी छन्। ज्योतीमाथि शब्द चयनदेखि उनको प्रस्तुतिका कुरालाई लिएर थुप्रै पटक राष्ट्रिय लोक तथा दोहोरी गीत प्रतिष्ठानमा उजुरीसमेत परेका थिए।
तर, ‘जिम्मल बाउकी,’ ‘पिरतीमा दम छ’ गाउने ज्योतीले यस पटक भने ठीकविपरीत भएर मौलिक र भावुक गीतमा आफूलाई प्रस्तुत गरेकी छन्। शनिबार सार्वजनिक भएको उनको गीत ‘माइतीको मया बरीलै’मा न उनी उत्ताउलो भेषमा देखिएकी छन्, न उनले गाएको गीतको शब्द नै त्यस्तो छ। गीतको म्युजिक भिडियोदेखि शब्द तथा गायन सबै पक्षमा ज्योतीले आफूलाई फरक रुपमा प्रस्तुत गरेकी छन्।
‘यो गीत मैले जोखिम मोलेरै सार्वजनिक गरेको हुँ,’ ज्योती भन्छिन्, ‘गीत चल्दैन, भ्युज आउँदैन भन्ने थाहा थियो। तर, मैले जोखिम नै लिएर सार्वजनिक गरेको हुँ।’
तीज विशेष भएर यो वर्ष ज्योतीका अन्य गीत पनि आएका छन्। तर, आफैंले निर्माण गरेको गीत भने यही मात्र हो। आफू बाल्यकालमै घरबाट टाढा हिँडेकाले माइतीसँग जोडिएको सम्झनासँगै आफूले आफ्नी आमाबाट सुनेका कथाहरुलाई गीतमा समेटेको उनले बताइन्।
‘तीजमा आफैंले एउटा गीत निकाल्ने सोचेको थिएँ,’ उनी भन्छिन्, ‘आफूले बाल्यकालमा सुनेका कथालाई समेटेर आमालाई सम्झिएर गीत लेखें।’
ज्योतीको नयाँ गीतलाई लिएर सकारात्मक मात्रै नभएर प्रशंसासहितका प्रतिक्रियाहरु आइरहेका छन्। अर्का लोक गायक बद्री पंगेनीले उनको गीतलाई यस वर्षकै तीजका गीतमध्येको सबैभन्दा मौलिक गीत भएको बताएका छन्। बद्रीले ज्योतीको गीतको प्रशंसा गर्दै लेखेका छन्, ‘मेरो नजरमा यो वर्ष मलाई सबैभन्दा मन परेको गीत माइतीको माया हो। शब्द, संगीत, स्वर, अभिनय अनि भिडियो उत्कृष्ट लाग्यो। हामी संगीतमा यथार्थ खोज्छौं, त्यो यथार्थ यो गीतमा छ।’
ज्योती आफूले कर्मसियल रुपमा गीतमार्फत् आशा नगरेको बताउँछिन्। आशा अनुरुप गीतमा भ्युज नआउँदा, उनका पुराना गीतहरुजस्तो यो गीत युट्युबको ट्रेन्डिङमा नपर्दा उनी निराश छैनन्। बरु, आफूले पाइरहेको प्रतिक्रियाले यस्ता गीतहरु थप ल्याउन उनलाई प्रोत्साहन गरेको बताउँछिन्।
‘मसँगै अझै यस्ता गीतहरु छन्, तिनीहरुलाई बाहिर ल्याउन प्रोत्साहन मिलेको छ,’ ज्योतीले भनिन्, ‘भ्युज आउला नआउला। तर, अब आफूले गाइरहेको भन्दा फरक धारमा गएर गीत गाउने र त्यसलाई दर्शकमाझमा ल्याउने आँट गरेँ, त्यसमा राम्रो प्रतिक्रिया पाएकी छु।’
ज्योतीको फेरिएको धारलाई लिएर थुप्रैले अब ज्योतीले मौलिक र उत्तेजक भनिने गीतभन्दा फरक गीतमै काम गर्ने हो त भन्ने प्रश्न पनि गरेका छन्। ज्योती भने आफू मनोरञ्जनकर्मी भएकाले जुनसुकै रुपमा मनोरञ्जन दिनमै केन्द्रित हुने बताउँछिन्। उनी भन्छिन्, ‘म इन्टरटेनर हो। मेरो काम दर्शकलाई मनोरञ्जन दिने हो। जुन रुपमा भए पनि म मनोरञ्जन दिन्छु। तर, यो गीतपछि यस्ता अन्य गीत पनि मैले गर्ने आँट गरेकी छु।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
