काठमाडौं- प्रधानमन्त्री शेरबहादुर देउवा र भारतीय जनता पार्टी (भाजपा) का विदेश विभाग प्रमुख विजय चौथाईवालेबीच भेटवार्ता भएको छ।
चौथाईवालेले आइतबार राति समाजिक सञ्जालमार्फत् प्रधानमन्त्री देउवासँग सरकारी निवास बालुवाटारमा भेट भएको जानकारी दिएका हुन्।
भेटमा दुई देशबीचको हित र अन्तरपार्टी सम्बन्धबारे छलफल भएको बताइएको छ। चौथाइवालेले भेटका क्रममा प्रधानमन्त्री देउवालाई सफल कार्यकालको शुभकामना दिनुका साथै भारतीय प्रधानमन्त्री नरेन्द्र मोदीको तर्फबाट सन्देश सुनाएका छन्।
प्रधानमन्त्री नियुक्ति भएर प्रतिनिधिसभामा विश्वासको मत लिएपछि मात्रै मोदीले देउवालाई औपचारिक बधाई दिएका थिए। नेपाली कांग्रेसका सहमहामन्त्री डा प्रकाशशरण महतले पनि प्रधानमन्त्री देउवासँग चौथाईवाले भेटेको पुष्टि गरेका छन्।
उनले यो भेटले दुई पार्टीबीचको सम्बन्धमा नयाँ सुरुवात हुने बताएका छन्। प्रधानमन्त्रीले मन्त्रिपरिषदलाई पूर्णता दिन नसकेको बेला उनीहरुको भेटलाई चासोका साथ हेरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
