राजनीति

१४ सांसदलाई कारबाहीको दबाब दिन एमाले सांसदहरु सभामुखको कार्यकक्षमा

नेपाल लाइभ शुक्रबार, भदौ ४, २०७८ १२:०२

फाइल तस्वीर

काठमाडौं- नेकपा एमालेका नेताहरुले माधवकुमार नेपालसहित १४ जना सांसदलाई कारबाही गरेको सूची प्रकाशित गर्न दोस्रो दिनपनि सभामुखको सचिवालयमा गएर दबाब दिएका छन्।

ओलीपक्षका नेता महेश बस्नेत, खगराज अधिकारी लगायत नेताहरु शुक्रबार सभामुख अग्निप्रसाद सापकोटाको सविचालयमा पुगेर नेपालसहित १४ जना सांसदलाई कारबाही गरेको सूची प्रकाशित गर्न दबाब दिएका हुन्।

यसअघि बिहीबार पनि एमाले नेताहरुले सभामुख अग्निप्रसाद सापकोटाको कार्यकक्षमा गएर १४ जना सांसदलाई कारबाही गरेर सूची प्रकाशित गर्न दबाब दिएका थिए।

एमालेले कारबाही गरी सकेका सांसदलाई सभामुखले कारबाही गरेर तत्काल सूची प्रकाशन गर्न उनीहरुले दबाब दिएका छन्। तर सभामुख सापकोटा भने उपस्थित छैनन्।

यो पनि पढ्नुहोस्

सभामुखको च्याम्बरमै पुगेर एमाले सांसदहरूले दिए धम्की- 'बल प्रयोग गर्नुपर्ने हुनसक्छ'शुक्रबार, भदौ ४, २०७८

यदी सभामुखले कारबाही प्रक्रियालाई रोकेमा उनकै कार्यकक्षमा धर्ना दिने बस्नेतले चेतावनी दिए।

'हामी २५ जना भन्दा बढी उपस्थित हुन्छौं। धर्ना दिन्छौं। कारबाही गरेका १४ जनालाई पदमुक्त नगरेर सभामुखको बदनियत देखियो' बस्नेतले नेपाल लाइभसँग भने।

उता सभामुखले कारबाही गरिएका सांसदको विषय अध्ययनकै क्रममा भएकाले थप बुझेर मात्रै कारबाही प्रक्रिया अघि बढाउने बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना