फाइल तस्वीर।
काठमाडौं– नेकपा (एमाले)का वरिष्ठ नेता माधवकुमार नेपालले पार्टी विभाजनको मोडमा उभिएको बताएका छन्। मंगलबार आफू पक्षीय जनवर्गीय संगठनका नेताहरुको भर्चुअल संवामा बोल्दै उनले यस्तो बताएका हुन्।
उनले भने, ‘एमाले झण्डै विभाजनको मोडमा उभिएको छ। यसलाई विभाजनतिर लैजान ओली लागि पर्नुभएको छ। उहाँले एकताबद्ध गर्न चाहनुभएको छैन।’
नेपालले ओली अहंकारको घोडामा सवार रहेको बताए। पार्टीलाई एक्तावद्ध, गतिशील र शशक्त बनाउन, सवै नेता कार्यकर्तालाई न्यायको अनुभूति दिलाउन र योग्यता क्षमताअनुसार काम दिन असफल भएको बताए।
ओली आफ्नो सानो गुट मदन भण्डारी फाउन्डेसनमा केन्द्रित रहेको उनको आरोप छ। ‘उहाँ पार्टीको होइन, गुटको नेतामा सावित हुनुभएको छ। उहाँलाई पार्टीको चिन्ता छैन, गुटको चिन्ता छ। उहाँ पद जोगाउनका लागि लाग्नुभएको छ,’ उनले भने।
उनका प्रत्येक तर्क विश्लेषण सुन्दा गलत कार्यका लागि आत्मालोचना नगरेको बताए। उल्टै अरुलाई लाञ्छना लगाउने, दोषको भागीदार बनाउने र औंलो ठड्याउने काम गरिरहेको उनले बताए।
उनीमा व्यक्तिवाद र गुटवादमा देखा परेको, त्यसले अहंकार सिर्जना गरेको र बदलाको भावनाबाट अघि बढेको नेपालको बुझाइ छ। उनले भने, ‘सुझाव दिन चाहने र टिप्पणी गर्ने मान्छे सबै व्यक्ति उहाँको नजरमा विरोधी हुन पुगे।’
ओलीले उठाएको देशभक्तिको झण्डा अहिले फालिसकेको बताए। देशको शीर निहुराउने अवस्थामा पुर्याएको उनको बुझाइ छ। अहिले लोकतन्त्रको मूल्यमान्यता पनि त्यागिसकेको उनको आरोप छ। उनले स्पष्ट पारे, ‘गणतन्त्रका लागि मुख्य भूमिका खेलेको पार्टी गणतन्त्री विरोधी देखिएको छ। राजतन्त्र फेरि आउने खतरा बढको छ।’
ओलीकै कारण धर्म निरेपक्षताविरोधी चलमलाउन थालेको बताए। संघीयता विरोधी आवाज उनका नजिककाबाट उठ्न थालेको र पार्टी नै गणतन्त्र विरोधी जस्तो लाग्न थालेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
