काठमाडौं- प्रधानमन्त्री शेरबहादुर देउवा र जनता समाजवादी पार्टीका नेताहरुबीच भेटवार्ता भएको छ।
मंगलबार विहान जनता समाजवादी पार्टी (जसपा) का नेताहरु प्रधानमन्त्री देउवालाई भेट्न बालुवाटार पुगेका थिए।
नेताहरु महन्थ ठाकुर, राजेन्द्र महतोसहित उक्त समूहका पाँच नेताले देउवासँग छलफल गरेको स्रोतले जानकारी दियो। निर्वाचन आयोगले जसपाको आधिकारिकता उपेन्द्र यादवपक्षलाई दिएपछि ठाकुरपक्ष पार्टी विभाजनको तयारीमा छ।
दल विभाजन गर्न सजिलो हुनेगरी राजनीतिक दलसम्बन्धी अध्यादेश सरकारले एक दुई दिनमै जारी गर्ने सम्भावना रहेको अवस्थामा ठाकुरपक्षले देउवासँग छलफल गरेको हो।
आजै सत्ता गठबन्धनको बैठक बस्ने भनिएको भएपनि टुंगो नलागेको बालुवाटार निकट स्रोतको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
