काठमाडौं- नेपाली कांग्रेसका सभापति शेरबहादुर देउवाले संस्थापनइतरका नेताहरुको असहमतिकै बीच पार्टीको १४औं महाधिवेशनको मिति सार्ने निर्णय गराएका छन्।
आज बूढानीलकण्ठस्थित देउवानिवासमा केन्द्रीय समिति बैठक चलिरहँदा देउवापक्षकासहित संस्थापनइतरका शीर्ष नेताहरुको छुट्टै बैठक बसेको थियो। उक्त बैठकमा सभापति देउवासहित वरिष्ठ नेता रामचन्द्र पौडेल, शेखर कोइराला, प्रकाशमान सिंहलगायतका नेताहरु सहभागी थिए।
बैठकमा सहभागी एक नेताका अनुसार देउवाले महाधिवेशनको मिति मंसिरसम्म सार्ने प्रस्ताव राखेपछि वरिष्ठ नेता पौडेलसहित केही नेताहरुले असहमति जनाएका थिए। उनीहरुले महाधिवेशनलाई मंसिरसम्म पुर्याउन नहुने अडान राखेका थिए।
अन्ततः बाहिर निस्केर महामन्त्री पूर्णबहादुर खड्काले सबैको सहमति भन्दै नयाँ कार्यतालिका सुनाएको ती नेताले बताए।
केन्द्रीय समिति बैठकले महाधिवेशनको नयाँ मिति मंसिर ९ देखि १३ गतेसम्मका लागि तय गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
