प्रतिनिधि सभा पुन:स्थापना भएकाले सर्वोच्च आयौं, प्रचण्डले एमाले भएको भनेर हुँदैन- प्रभु साह

राजनीति

नेपाल लाइभ बुधबार, साउन १३, २०७८ १६:०१

काठमाडौं- एमाले प्रवेश गर्दै शहरी विकास मन्त्रीसमेत भएका प्रभु साहले आफूलाई कारबाही गर्ने निर्णय गैरकानुनी भएको जिकिर गरेका छन्।

सर्वोच्च अदालतमा मंगलबार रिट दायर गर्दै उनले नेपाल कम्युनिष्ट पार्टी (नेकपा) नाम बदर हुने र प्रतिनिधि सभा विघटन हुने क्रम चलिरहँदा अदालत आउन नपाएको अब पुन: स्थापना भएकाले आएको जिकिर गरेका छन्।

साहले निर्वाचनमा एमाले र माओवादीको साझा घोषणापत्रको आधारमा लडेर निर्वाचित भएको र पछि नेकपा पार्टीमा रुपान्तरण भएकाले यस्तो कारबाही गलत भएको जिकिर गरेका छन्। आफूसहित अरु नेतालाई गरिएको कारबाही राजनीतिक दल सम्वन्धी ऐन विपरित भएकाले तत्काल अन्तरिम आदेश जारी गरि संसद पदमा पुर्नबहाली गर्नसमेत उनले माग गरेका छन्।

आफूहरु अहिलेसम्म एमालेमा प्रवेश नगरेको र माओवादी केन्द्रका अध्यक्ष पुष्पकलम दाहाल 'प्रचण्ड'ले नै घोषणा गरेर कारवाही गरेको जिकिर गरेका छन्। अर्को पार्टीमा प्रवेश गर्ने र सदस्यता लिनेसम्मका कार्य नगरेको अवस्थामा प्रचण्डलेनै एमाले भएको भनि आफैं निर्णय गरेर स्पष्टीकरण सोध्दै हटाएको उनले रिटमा जिकर गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूनको मूल्य एकैदिन प्रतितोलामा एक हजार पाँच सय रूपैयाँ बढ्यो सुनको भाउ

प्रमुख सत्तारुढ दल नै सडकमा, दरबारमार्ग आसपासमा ट्राफिक जाम

नेतन्याहु, ग्यालेन्ट र डिफविरुद्ध आईसीसीको पक्राउ पुर्जी जारी