काठमाडौं- नेकपा एमालेकी उपाध्यक्ष अष्टलक्ष्मी शाक्यले कम्युनिस्ट पार्टीभित्र हुर्किएको संस्कारप्रति चिन्ता व्यक्त गरेकी छिन्। कम्युनिस्ट पार्टीको नेतृत्व र त्यसको निर्देशनबाट युवाहरु विचार, अध्ययन र सिर्जनात्म भएपनि पछिल्लो समय उनीहरुमा संस्कार गलत हुर्काइएको बताइन्। उनले कार्यकर्तालाई बाँदरको रुपमा सडकमा उतार्ने काम गरिएको भन्दै बिरोध गरिन्।
'कस्तो संस्कार हामीले हुर्कायौं। एउटा कम्युनिस्ट पार्टीको नेतृत्व र त्यसको निर्देशनबाट ती युवाहरु विचारका थिए, केही गर्न चाहन्थे, अध्ययनशील थिए, सिर्जनात्मक थिए। तर बाँदर सडकमा पछार्ने काम किन गरियो? खण्डन गर्नुपर्छ पर्छ भन्ने लाग्छ' पुष्पलाल मित्रता केन्द्रको आयोजनामा शुक्रबार तुलसीलाल स्मृति प्रतिष्ठानको भवनमा आयोजित कार्यक्रममा नेतृ शाक्यले भनिन्।
कम्युनिस्ट आन्दोलनले सगरमाथको उचाइ चुमिसकेको भएपनि आज गर्ल्यामगुर्लुम माथिबाट तल झरेको उनको भनाइ थियो। 'कम्युनिस्ट आन्दोलनले सगरमाथको उचाइ झन्डै चुमिसकेको र संघीय लोकतान्त्रिक गणतन्त्र प्राप्त गरिसकेका थियौं।समाजवादको लक्ष्य बोकेको संविधान हामीले तयार गरिसकेका थियौं। केन्द्रीय सरकार, प्रदेश सरकार र स्थानीय सरकारमा बर्चस्व कायम गरिसकेको अवस्था थियो। तर आज गर्ल्यामगुर्लुम माथिबाट तल झर्यौं। किन होला? यो अत्यन्तै गम्भीर छ, छलफलको विषय छ' उनले भनिन्।
कम्युनिस्ट आन्दोलनले जनताको माया पाएर पनि आज धराशयी बन्न पुगेको भन्दै उनले् कम्युनिस्ट आन्दोलनभित्र बेलाबखत देखापर्ने दक्षिणपन्थी, अवसरवादी, व्यक्तिवादी, गुटवादी, सर्वसत्तावादी सोचहरुले कम्युनिस्ट पार्टी ढल्ने बताइन्। एक जना नेताको अहंताले उपलब्धिहरु झन्डै गुमाउने अवस्थामा पुगिसकिएको भएपनि व्यवस्था र संविधान जोगिएको उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1784873618.png)
