उद्‍घाटनको एकदिन अघि बर्खास्त भए ओलम्पिक निर्देशक

अन्य

नेपाल लाइभ बिहीबार, साउन ७, २०७८ १३:४५

काठमाडौं- टाेकियाे ओलम्पिक २०२० सुरू हुनुभन्दा एकदिन अघि उद्घाटन समारोहका निर्देशकलाई बर्खास्त गरिएकाे छ। शुक्रबार ओलम्पिकको उद्घाटन कार्यक्रम हुने तय छ।

निर्देशक केनतारो कोबायासीको सन् १९९० को भिडियो फुटेज हालसालै भाइरल भइरहेकाे छ। उनले उक्त भिडियाेमा नाजी जर्मनीको हातबाट मारिएका मानिसहरुको समवेदनालाई ठट्टा गरिरहेकाे देखिन्छ।

‘होलोकास्ट’ त्यो नरसंहार थियो, जसमा पूर्वका तानाशाह एडोल्फ हिटलरको शासनकालमा ६० लाख यहुदीहरूको हत्या गरिएको थियाे।

ओलम्पिकको उद्घाटन र समापन समारोहका कोबायासी रचनात्मक निर्देशक थिए। उनी हास्य कलाकार पनि हुन् र विगतमा पनि उनका भनाइहरूलाई लिएर आलोचना गरिएको थियाे।

जापानका ओलम्पिक प्रमुख सेइको हाशिमोतोले भनेकी छन्, ‘यो इतिहासको पीडादायी सत्यमाथिको मजाक हो।’

यता, ग्लोबल राइट्स ग्रुप सिमन वेसन्थल सेन्टरले कोबायासी जति क्रियटिभ भएपनि उनलाई नाजी नरसंहारको पीडितहरुमाथि ठट्टा गर्ने कुनै अधिकार नभएको बताएको छ।

‘कोही व्यक्ति जतिसुकै सिर्जनशील किन नहोस्, उनीहरुलाई नाजी जर्मनीको जातिय सफायाबाट पीडित भएकाहरुमाथि ठट्टा गर्ने अधिकार छैन,’ एसडब्ल्युसी एशोसियट डिन तथा ग्लोबल सोशल एक्सन डाइरेक्टर रब्बी अब्राहम कुपरले भनेका छन्।

यसअघि कार्यक्रमका लागि काम गरिरहेका टोलीबाट ‘कम्पोजर’ हटाइएको थियो। उनीमाथि विद्यालयमा अन्य सहपाठीहरूलाई धम्की दिएकाे आराेप लगाइएकाे छ।

उद्‍घाटनलाई लिएर चिन्ता
कोबायासीलाई बर्खास्त गरेपछि ओलम्पिकको शुक्रबार हुने उद्घाटन समारोहलाई कसरी सञ्चालन गर्ने भन्ने चिन्ता थपिएको छ। याे विषयमा आयाेजकहरु छलफलमा जुटेका छन्।

‘ओलम्पिकको उद्घाटन निकै नजिक आइसकेकाले यस घटनाबाट ओलम्पिकमा संलग्नहरुलाई पर्ने असरप्रति क्षमायाचना गर्दछौं,’ हाशिमोतोले जारी गरेको विज्ञप्तिमा भनिएको छ।

बर्खास्तीमा परेका कोबायासीले पनि गल्ती स्वीकार्दै माफी मागेका छन्। ‘मनोरञ्जनले मानिसलाई असहज महसुस गराउन हुन्न। त्यस समय मैले रोजेका शब्दहरू गलत थिए भनेर मैले बुझेको छु र यसमा मलाई पश्चाताप छ,’ उनले जारी गरेको विज्ञप्तिमा भनिएकाे छ।

यसबाहेक, खेलाडी र अधिकारीहरुबीच कोरोना संक्रमण बढ्दो घटनाहरुले पनि खेलमा समस्या भइरहेकाे छ। हालसम्म ओलम्पिकमा सहभागी ९१ जनामा काेराेना संक्रमण पुष्टि भइसकेकाे छ।

एक विज्ञप्ति जारी गर्दै हशिमाटोले भनेकी छिन्, ‘उद्घाटन समारोह नजिकै भएको समयमा चिन्ताकाे स्थिति देखा परेकाेमा हामी ओलम्पिकमा भाग लिने, टोकियोका नागरिक र जापानी जनतासँग माफी चाहन्छौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्य तोलाको २ लाख नजिक, आज एकैदिन ६ हजार ९ सयले बढ्यो

सुर्तिजन्य पदार्थको शतप्रतिशत चित्र छाप्न रोक्ने उद्योगमन्त्रीको पत्रबिरुद्धको मुद्दामा सर्वोच्चको कारण देखाउ आदेश

तोरीको भुसमा जलिरहेको अवस्थामा शव फेला