सुस्तायो सेयरबजार : जम्मा साढे ४ अर्बको कारोबार हुँदा नेप्से दोहोरो अंकले गिरावट

बैंक/बिमा/सेयर

नेपाल लाइभ सोमबार, असार २१, २०७८ १५:१५

काठमाडाैं- लगातार ओरालो लाग्दै आएको सेयरबजारमा सोमबार दोहोरो अंकको गिरावट आएको छ। कारोबार साढे चार अर्बमा सीमित हुँदा नेपाल स्टक एक्सचेन्ज (नेप्से) परिसूचक ११.७८ अंकले घटेको हो। यससँगै नेप्से २८२२.७४ विन्दुमा ओर्लिएको छ।

आज नेप्सेमा कूल चार अर्ब ५८ करोड २२ लाख १२ हजार रुपैयाँ बराबरको कारोबार भएको छ। कूल २२४ वटा कम्पनीका एक करोड ६३ हजार ६३६ कित्ता सेयर ५२ हजार ८४६ पटक खरिद-बिक्री भएका थिए।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि ०.०४ अंकले घटेर ५२८.४२ विन्दुमा कायम भएको छ।

नेप्सेका अनुसार आज विशाल बजार कम्पनीका लगानीकर्ताले सबैभन्दा धेरै प्रतिकित्ता ९.९९ प्रतिशतका दरले कमाएका छन्। गोर्खा फाइनान्सका लगानीकर्ताले सबैभन्दा धेरै प्रतिकित्ता ६.३६ प्रतिशतका दरले गुमाएका छन्।

आज हिमालयन डिस्टिलरी लिमिटेडका सेयर सबैभन्दा धेरै ४१ करोड २० लाख ८९ हजार रुपैयाँ बराबरको कारोबार भएको छ। संख्यात्मक आधारमा सनराइज फर्स्ट म्युचुअल फण्ड सबैभन्दा धेरै छ लाख ८५ हजार २०० कित्ता र नेपाल इन्फ्रास्ट्रक्चर डेभलपमेन्ट बैंकका सेयर सबैभन्दा धेरै तीन हजार २४४ पटक किनबेच भएका थिए।

आज इन्भेस्टमेन्ट, उत्पादन तथा प्रशोधन, म्युचुअल फण्ड, अन्य र ट्रेडिङबाहेक सबै समूहका परिसूचक घटेको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित