काठमाडौं– राष्ट्रिय स्वतन्त्र पार्टी (रास्वपा)की सांसद श्रद्धा कुँवर क्षेत्रीले जेनजी आन्दोलनका क्रममा उठेका युवाका मुद्दा अझै टुंगोमा नपुगेको भन्दै तत्काल सम्बोधन गर्न सरकारसँग माग गरेकी छन्।
बिहीबार बसेको प्रतिनिधिसभा बैठकमा बोल्दै सांसद कुँवरले असन्तोष र परिवर्तनको चाहना एकै दिन जन्मिने विषय नभएको बताइन्। आफूहरू आज जुन स्थानमा उभिएर आवाज उठाइरहेका छन्, त्यसको पृष्ठभूमिमा जेनजी आन्दोलन रहेको भन्दै उनले आन्दोलनको उद्देश्य र युवाका माग बिर्सन नहुने बताइन्।
उनले भनिन्,‘असन्तोष एकै दिन जन्मिँदैन र परिवर्तनको चाहना पनि एकै दिन सडकमा आउदैन । हामी सबैको आआफ्ना क्षमता र योगदान संघष होलान्। आज हामी जुन ठाउँमा छौं। जुन आवाज लिएर यस सदनमा उभिएका छौं। त्यसको दिन जेनजी आन्दोलन हो भन्ने कुरा हामीले बिर्सन हुदैन।’
जेनजी आन्दोलन भएको एक वर्ष बितिसक्दा पनि युवाहरूका मुद्दा समाधान हुन नसकेको भन्दै उनले ढिलाइको कारणबारे सरकार गम्भीर हुनुपर्ने बताइन्।
कानुन कार्यान्वयनमा समस्या भए सुधार गर्नुपर्ने र न्याय प्रक्रियामा ढिलाइ भएको भए त्यसलाई सम्बोधन गर्नुपर्ने उनले बताइन्। उनले आन्दोलनका क्रममा प्रभावित परिवारले अझै न्यायको प्रतीक्षा गरिरहेको बताइन्।
उनले चाडपर्वका बेला समेत सयौं आमाहरू आफ्ना छोराछोरी घर फर्किन्छन् कि भन्ने आशामा बसिरहेको भन्दै आन्दोलनसँग सम्बन्धित विषयलाई थप ढिलाइ नगरी निष्कर्षमा पुर्याउन सरकारसँग माग गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
