सुनसरीका अधिकांश क्षेत्र जलमग्न [तस्बिर/भिडियो]

समाचार

नेपाल लाइभ शनिबार, असार १९, २०७८ १६:०९

काठमाडाैं- निरन्तरको वर्षाका कारण सुनसरीका अधिकांश क्षेत्र जलमग्न बनेको छ। पानीको निकास अभाव र खोलामा बढेको पानीका कारण टोल, वस्तीहरु डुबानमा देखिएका छन्।

इटहरी क्षेत्रमा टेङ्ग्रा र बूढी खोलामा आएको बाढीले किनार र आसपासका वडाहरु डुबानमा परेका छन्। त्यसैगरी धरानमा सेउती र अधेरी खोला आसपासको क्षेत्रमा डुबानको समस्या देखिएको सुनसरी प्रहरीले जनाएको छ।

इनरुवा क्षेत्रमा पर्ने कुरुवा खोला भरिभराउ भई सडकबाटै बगेको छ। सो क्षेत्रमा आवतजावतमासमेत समस्या देखिएको छ। वर्षासँगै खोलाहरुमा जलस्तर बढेको छ।

सुनसरी, बूढी, गडनलगायतका खोलामा जलस्तर बढ्दा आसपास किनारका वस्ती जोखिममा परेका छन्। सुनसरी प्रहरीले दिएको जानकारीअनुसार अहिलेसम्म डुबान तथा बाढी पसेका २०० घरपरिवारलाई सुरक्षित स्थानमा सारिएको छ।

यता सप्तकोशी नदीमा पानीको बहाव यस वर्षकै उच्च मापन भएको छ। कोशी नदीमा अहिले दुई लाख क्यूसेकभन्दा बढी पानी बगिरहेको छ। सुनसरी प्रशासनले जनाएअनुसार यतिबेला सप्तकोशी नदीमा पानीको बहाव दुई लाख २१ हजार ४७५ क्यूसेक प्रतिसेकेण्ड पुगेको छ। नदीको जलस्तर बढेसँगै कोशी ब्यारेजका २९ वटा ढोका खोलिएका छन्।

नदीमा बहाव बढेसँगै ब्यारेज पुलमा रातो बत्तीसमेत बालिएको छ। सुनसरीका प्रमुख जिल्ला अधिकारी उमेशकुमार ढकालले बहाव बढे पनि खतरा भने नरहेको बताएका छन्। उनले तटीय क्षेत्रका वासिन्दालाई सतर्कता अपनाउन भनिएको बताए। सम्भावित डुबान र बाढीलाई मध्यनजर गर्दै सुरक्षा निकायलाई सतर्क रहन निर्देशन दिइएको उनले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

देउवाले भने: अहिलेको प्रणालीकै कारण मिलेर सरकार बनाउनुपर्ने र चुनाव लड्नुपर्ने बाध्यता छ

इन्धनमा बायोइथानोलको प्रयोग बढाउँदै इन्डोनेसिया, सरकारको रणनीतिक योजना सार्वजनिक

धुलिखेलमा करेन्ट लागेर मजदुरको मृत्यु