राजमार्गमा पहिरो जाँदा धादिङमा दुई जनाको मृत्यु, पाँचवटा सवारीसाधन पुरिए

समाचार

नेपाल लाइभ शनिबार, असार १९, २०७८ १०:२१

काठमाडौं- पहिरोमा परि धादिङमा दुई जनाको ज्यान गएको छ भने पाँच वटा सवारी साधन पुरिएका छन्। पहिरोमा परि ६ जना घाइते भएको प्रहरीले जनाएको छ।

ना ८ ख ४५४० नम्बरको ट्रकमा पहिरो खस्दा ट्रकका सहचालक चितवन भण्डाराका वीरवल प्रजाको मृत्यु भएको इलाका प्रहरी कार्यालय गजुरीले जनाएको छ। त्यस्तै ना ७ ख ३२० नम्बरको कन्टेनरमा सवार भारतकी ४३ वर्षीया सोनी देवीको मृत्यु भएको प्रहरीले जनाएको छ।

पृथ्वी राजमार्गअन्तर्गत धादिङको बेनीघाट रोराङ गाउँपालिका-१० जवाङ खोलामा पहिरोले पाँच वटा सवारी साधन पुरेको प्रहरीले जनाएको छ।

पहिरोमा परि म्याजिक भ्यान, कन्टेनर, ट्रक पुरिएको जिल्ला प्रहरी कार्यालय धादिङले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

देउवाले भने: अहिलेको प्रणालीकै कारण मिलेर सरकार बनाउनुपर्ने र चुनाव लड्नुपर्ने बाध्यता छ

इन्धनमा बायोइथानोलको प्रयोग बढाउँदै इन्डोनेसिया, सरकारको रणनीतिक योजना सार्वजनिक

धुलिखेलमा करेन्ट लागेर मजदुरको मृत्यु