काठमाडौं- गायकद्वय प्रमोद खरेल र बद्री पंगेनीको कलाकारिता पछिको रोजाइ खेल हुन्छ। परिआउँदा आफैं मैदानमा समेत उत्रिने उनीहरूले राष्ट्रिय र अन्तर्राष्ट्रिय खेलको मज्जा लिइरहेका हुन्छन्। त्यसैमाथि फुटबल उनीहरुको प्रिय खेलमध्येमा पर्छ।
अहिले युरोकप २०२० र कोपा अमेरिका चलिरहेका छन्। उनीहरू यी खेललाई नछुटाइ हेरिरहेका छन्। शुक्रबार युरोकप २०२० अन्तर्गत दुई खेल हुँदैछन्। स्पेनविरुद्ध स्विट्जरल्यान्ड र इटनलीविरुद्ध बेल्जियमले खेल्दैछन्।
युरोकप अन्तर्गत गायकद्वय खरेल र पंगेनीले आफ्नो मनपर्ने टिम, खेलाडी र हेर्ने योजना नेपाल लाइभसँग बाँडेका छन्।
बद्री पंगेनी
मन पर्ने टिम : मेरो मन पर्ने टिम फ्रान्स हो। सुरुदेखि मनले जितून् भन्ने कामना गरेको चाहिँ इंग्ल्यान्ड र बेल्जियम हुन्। किनभने धेरै नेपाली दाजुभाइ र दिदीबहिनीले त्यहाँ रोजगारी पाउनुभएको छ। त्यसैलाई कर्मभूमि बनाएर बस्नुभएको छ। म पनि ती देशहरुमा धेरैपटक गएको छु, त्यो हिसाबले पनि माया लाग्दो रहेछ।
इंग्ल्यान्डमा धेरै युवा खेलाडी छन्, त्यसले गर्दा अलिक बलियो छ। नयाँ–पुरानो टिमले गर्दा इटाली पनि राम्रो टिम छ। तर, यसपालि जित चाहिँ इंग्ल्यान्ड र बेल्जियममध्ये एउटाको उपाधि होस्। इंग्ल्यान्डले विश्व फुटबललाई जोगाउने कुरामा अहम् भूमिका खेलेको छ। त्यहाँको लिग होस् वा अरु कुनै खेलमा, ऊ अगाडि रहेको छ।
मनपर्ने खेलाडी रोनाल्डो : मलाई क्रिष्टियानो रोनाल्डो मनपर्छ। उसले हारे पनि, जिते पनि मनपर्छ। रोनाल्डोको मिहिनेत र अभ्यास सबैभन्दा राम्रो पक्ष हो। टिमको कारणले हार्नु फरक कुरा हो तर मिहिनेत, अभ्यास र क्षमताले गर्दा मलाई धेरै मनपर्छ।
पुरानो टिम पोर्चुगल : गएको युरोकपमा मैले पोर्चुगललाई समर्थन गरेको हो। उसले नै जितेको हो। यसपालि पहिलेदेखि नै समर्थन गरेको टिमका कारणले फ्रान्स र खेलाडीको कारणले पोर्चुगल हो।
पहिलेकोमा रौनक बढी हुन्थ्यो। स्टेडियममा दर्शकहरू भरिभराउ हुन्थे। हामी पनि साथीभाइ मिलेर प्रोजेक्टर लगाएर हेरिन्थ्यो। अहिले कोरोनाका कारणले घरमा बसेर हेर्ने गरेका छौं। त्यो रमाइलो छैन।
खेलाडीहरूमा पनि लङ्गपास र इयर पास कम खेलेको लाग्यो। सर्ट पास बढी खेलिरहेका छन्। समग्रमा खेल मन परेको छ। कन्ट्री गेम भन्दा पनि क्लबको जस्तो छ। त्यो भएर पनि यो पटक मन परेको छ। नयाँ टिमले चान्स पाउनु पनि राम्रो हो। स्टार खेलाडी आउट हुँदा अलिक नराम्रो लाग्छ, त्यति हो।
समग्र युरोकपको खेल हेर्दा फ्रान्स र स्विट्जरल्यान्डमा कडा प्रतिस्पर्धा भयो। स्वीडेन जित्छ भन्दाभन्दै युक्रेनले अन्तिममा थपिएको समयमा हराइदियो। सबैको खेल बराबरी छ। राम्रो हुँदाहुँदै आउट भएको हंगेरी हो। मेरो अनुमान यसपल्ट फ्रान्सले खेल जित्ला भन्ने थियो, तर त्यो गलत साबित भएको छ। गएको वर्ल्ड कपमा मैले सुरुदेखि नै फ्रान्सले जित्छ भनेको थिएँँ, जित्यो पनि। यसपटकको फ्रान्सको डिफेन्स एकदम कमजोर देखियो। बेल्जियमको पनि डिफेन्स कमजोर छ। इंग्ल्यान्ड भने सुरुदेखि नै राम्रो छ।
स्विट्जरल्यान्ड र बेल्जियमले जित्ने अनुमान
स्विजरल्यान्ड र स्पेनमा स्विजरल्यान्ड जित्ने देखेको छु। त्यसैगरी बेल्जियम र इटालीमा बेल्जियमले जित्छ भन्ने लागेको छ।
प्रमोद खरेल
मन पर्ने टिम : बेल्जियम, इटाली र स्पेन मन पर्छ। एक मात्र भनेर छैन।
मन पर्ने खेलाडी : फ्रान्सको एम्बाप्पे हो तर, यसपल्ट चल्दै चलेन। उता बेल्जियमको टिमको हाजार्डका दाजुभाइ पनि मन पर्छन्। पोर्चुगलको खेलसँग भाइले एकदम राम्रो खेल्यो।
समर्थन : कहिले बेल्जियम, कहिले इटाली, कहिले स्पेन र कहिले फ्रान्सलाई समर्थन गर्दै आएको हो। यता पनि उही भोइस अफ नेपालको जस्तै राम्रा–राम्रा भिड्छन् र एउटा राम्रो आउट हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
