काठमाडौं– अध्यागमन विभागले कोभिड–१९ को दोस्रो लहरको जोखिम न्यूनीकरणका लागि भन्दै स्थगित गरेका सम्पूर्ण सेवा शुक्रवारदेखि पुनः सुरु गरेको छ। विभागले यसअघि जेठ ५ गते सूचना जारी गरी आकस्मिक बाहेकका अन्य सेवा स्थगित गरेको थियो।
कोभिड संक्रमण घट्दै गएको तथा अन्तर्राष्ट्रिय एवं आन्तरिक उडानसमेत सुचारु हुन थालेसँगै सेवा सञ्चालन गरिएको विभागद्वारा जारी सूचनामा उल्लेख छ।
नेपाल सरकारले तोकेको स्वास्थ्य सुरक्षा मापदण्ड पालना गर्नेगरी भिसासम्बन्धी सबै सेवा सञ्चालन गर्ने निर्णय गरिएको विभागको भनाइ छ।
गत वैशाख १५ (अप्रिल २८) सम्म नेपालको वैध भिसा भएका विदेशीको हकमा असार २४ गतेभित्र नेपालबाट प्रस्थान हुने भएमा प्रस्थानको समयमा अध्यागमन कार्यालय, त्रिभुवन अन्तरराष्ट्रिय विमानस्थलबाटै निःशुल्क भिसा नियमित गरिने विभागको सूचनामा उल्लेख छ।
यस्तै नेपालमा रहन चाहने विदेशीले भिसा नियमित गर्न विभाग वा अन्तर्गतका कार्यालयमा आवेदन गरेमा विलम्ब शुल्क र जरीवाना नलिई भिसा नियमित गरिनेसमेत विभागले जनाएको छ।
असार २४ गतेपछि भिसा नियमित गर्न आउने र नेपालबाट प्रस्थान गर्ने विदेशीका हकमा नियमानुसार भिसा शुल्क, विलम्ब शुल्क र जरिवाना लाग्ने उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
