२७ अंकले बढ्यो नेप्से, कारोबार सवा ७ अर्बमा खुम्चियो

बैंक/बिमा/सेयर

नेपाल लाइभ आइतबार, असार १३, २०७८ १५:२७

काठमाडाैं- साताको पहिलो कारोबार दिन सेयरबजारमा २७ अंकको वृद्धि भएको छ। आइतबार नेपाल स्टक एक्सचेन्ज (नेप्से) परिसूचक २७.१७ अंकले बढेर २८७०.१८ विन्दुमा पुगेको हो।

तर, कारोबार रकम भने सवा सात अर्बमा खुम्चिएको छ। नेप्सेमा आज सात अर्ब १६ करोड ७४ लाख ३२ हजार रुपैयाँ बराबरको सेयर कारोबार भएको छ। कूल २२७ वटा कम्पनीका दुई करोड नाै लाख ७४ हजार ३७७ कित्ता सेयर ८२ हजार ५५ पटक खरिद-बिक्री भएका थिए।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि ३.७६ अंकले बढेर ५२९.४१ विन्दुमा कायम भएको छ।

नेप्सेका अनुसार सेञ्चुरी कमर्सियल बैंकका लगानीकर्ताले सबैभन्दा धेरै प्रतिकित्ता ९.९६ प्रतिशतका दरले कमाएका छन्। गोर्खा फाइनान्सका लगानीकर्ताले सबैभन्दा धेरै प्रतिकित्ता ४.३७ प्रतिशतका दरले गुमाएका छन्।

आज नेसनल हाइड्रोपावर कम्पनीका सेयर सबैभन्दा धेरै ४० करोड ७० लाख २५ हजार रुपैयाँ बराबरको कारोबार भएको छ। संख्यात्मक आधारमा सानीमा इक्युटी फण्डका सबैभन्दा धेरै ४४ लाख १२ हजार ८२० कित्ता र नेसनल हाइड्रोपावर कम्पनीका सेयर सबैभन्दा धेरै तीन हजार ६९६ पटक किनबेच भएका थिए।

आज विकास बैंक, फाइनान्स, होटल तथा पर्यटन, जीवन बिमा र निर्जीवन बिमाबाहेक बाँकी सबै समूहका परिसूचक बढेको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित