बनियानी, झापा- भद्रपुरस्थित श्रीकृष्ण द्वैपायन वेद विद्याश्रम (गुरुकूल) विद्यालय व्यवस्थापन समितिका अध्यक्ष राजेन्द्र चापागाईं पक्राउ परेका छन्।
बालकलाई छुवाछूत गरेको अभियोगमा प्रहरीले आज उनलाई पक्राउ गरेको हो। इलाम नगरपालिका–५ बरबोटेका दलित बालक विकास कार्कीडोली (दर्जी) लाई चापागाईंले गुरुकूलमा भर्ना नलिएर जातीय छुवाछूत गरेको आरोप लागेको थियो।
चापागाईंमाथि जातीय छुवाछूत गरेको किटानी जाहेरी परेपछि पक्राउ गरिएको जिल्ला प्रहरी कार्यालयका प्रहरी प्रमुख प्रहरी उपरीक्षक विष्णु केसीले जानकारी दिए।
प्रहरीले शनिबार राति नै गुरुकूलका शिक्षक राजन पौडेललाई पक्राउ गरे पनि असम्बन्धित भनी सोधपुछपछि छाडिदिएको थियो।
गुरुकूलको शनिबार आयोजित विशेष साधारणसभाले पीडित विद्यार्थीलाई भर्ना गर्नेसमेत गरिसकेको छ।
यो पनि : गुरुकूलका प्राचार्यले दलित विद्यार्थी भर्ना लिन मानेनन्, कारबाहीको माग गर्दै मुद्दा दायर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
