काठमाडौं– नवनियुक्त उपप्रधान एवम् शहरी विकास मन्त्री तथा जनता समाजवादी पार्टी (जसपा)का नेता राजेन्द्र महताले नेपाल एकल जातिय राज्य नभइ बहुल राष्ट्रिय राज्य हुन आवश्यक रहेको दोहो¥याएका छन्।
नेता महताले नेपाल बहुल राष्ट्रिय राज्य नभएसम्म जनताले संघर्ष र आन्दोलन गरिरहने पनि बताएका छन्। शनिबार पार्टी कार्यालयमा नवनियुक्त मन्त्रीहरुलाई गरिएको स्वागत तथा बधाई कार्यक्रममा सहभागी हुन पुगेका महतोल नेपाल विविधताले भरिएको देश भएकाले बहुल राष्ट्रिय राज्य हुनुपर्ने बताए।
‘नेपाल विविधताले भरिएको देश हो, विभिन्न वर्ग जाति, समूदाय, ४ जात ३६ वर्षको फूलबारी भनेको विविधता हो, बहुलता भनेको त्यही हो,’ महतोले भने, ‘त्यसैले बहुल राष्ट्रिय राज्य हो। नेपाल बहुल राष्ट्रिय राज्य भएकाले यहाँ त्यो अनुसारको नियम कानुन, संविधान व्यवस्था, सहभागिता हुनुपर्छ।’
बहुल राष्ट्रिय राज्यको विषयमा कुरा उठ्दा कसैले त्यसमा विरोध जनाउनु आवश्यकता नभएको उनले बताए। ‘यो देश हिमाल, पहाड, तराईं मधेसको जनताको हुनुपर्छ, यो विविधताले भरिएको देश हो, बहुलताले भरिएको देश हो, यसमा कसैलाई के समस्या?’ महतोले भने।
नेता महतोले नेपालमा एक जातिय राज्य हुन नसक्ने पनि बताए। ‘विविधताले भरिएको देश, बहुलताले भरिएको देशमा एकल हुनै सक्दैन, बहुलता नै हुन्छ, बहुल भनेको कुनै एक जात, एक वर्ग, एक समूदाय हैन,’ महतोले भने, ‘ बहुलता भनेको सबै हो, त्यसैले सबैको राज्य शासनमा पहिचान हुनुपर्छ, प्रतिनिधित्व हुनुपर्छ, यो नभएसम्म देशमा जनताले आफ्नो अधिकार पहिचानका लागि संघर्ष गरिरहन्छ, आन्दोलन गरिरहन्छ।’
स्वागत तथा बधाई ज्ञापन कार्यक्रममा बोल्दै नेता महतोले नवनियुक्त मन्त्रीहरुलाई पार्टीको हित हुने कामलाई प्राथमिकता दिएर काम गर्न निर्देशन दिए।
यसअघि शुक्रबार उपप्रधान तथा शहरी विकास मन्त्रीको पद्भार ग्रहण गर्दै महतोले नेपाललाई बहुर राष्ट्रिय राज्यतर्फ लैजानका लागि आन्दोलनको तयारी गर्ने बताएका थिए।
महतोको उक्त अभिव्यक्तिको विभिन्न राजनीतिक दलका नेतादेखि सर्वसाधारणले विरोध जनाउँदै आलोचना गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
