काठमाडौं- मेडिकल उपकरणहरु प्रयोगमा दक्ष जनशक्तिको अभावले उत्पन्न कठिनाई हटाउन नेपाली कांग्रेसले ‘स्वास्थ्य उपकरण सहजीकरण अभियान’ सुरु गरेको छ। बायो मेडिकल इञ्जिनियरहरुको स्वयंसेवी समूह निर्माण गरेर निःशुल्क सेवाको प्रारम्भ गरिएको हो।
मेडिकल उपकरण सञ्चालनमा कतिपय ठाउँमा दक्ष जनशक्ति अपुग छ। उपकरणहरुको प्रयोगमा व्यवहारिक कठिनाई केही स्थानमा देखिएको छ। अत्यावश्यक उपकरणहरुमा खराबी उत्पन्न हुँदा त्यसलाई मर्मत गर्न नसकिएको अवस्था पनि छ।
‘अस्पतालहरुमा बिग्रेका उपकरण बनाइदिने जनशक्ति अभाव, भेन्टिलेटर चलाउन नजानेको लगायतका समस्या देशभरीबाट आइरहेका थिए’, कांग्रेस प्रवक्ता विश्वप्रकाश शर्माले नयाँ अभियानबारे भने, ‘बायो मेडिकल इञ्जिनियरहरुको ३५ जनाको एउटा टिम बनाएका छौं। भौतिक रुपमा पुग्न सकिने स्थानमा सशरीर पुगेर बिग्रेका उपकरण बनाइदिन्छौं। पुग्न नसकिने स्थानमा जुम वा अन्य माध्यम प्रयोग गरी सञ्चालन गर्न सहजीकरण गर्छौं।’
अभियान सुरु गरेलगत्तै जलेश्वर अस्पतालबाट फोन आएको शर्माले जानकारी दिए। ‘हामीसँग भेन्टिलेटर छ, चलाउन जानिएन भनी सहयोगको अपेक्षा राख्नु भएको छ’, शर्माले भने, ‘त्यहाँ हाम्रो टिमका साथीहरुले उपकरण चलाउन सहयोग पुर्याउँदै हुनुहुन्छ।’
केन्द्रीय प्रचार विभाग अन्तर्गत रहेको अभियानले मुख्यतः दुई उद्देश्य राखेको छ। पहिलो, देशभरका अस्पताल, स्थानीय स्वास्थ संस्थाहरु अथवा होम आइसोलेसनमा रहेका संक्रमित कसैले पनि प्रयोग गरिरहेका उपकरणहरुमा कुनै पनि प्रकृतिको प्राविधिक समस्या उत्पन्न भएमा तिनको निःशुल्क मर्मत र समाधान गर्ने।
र, दोस्रो, उपकरणको सही ढंगले प्रयोग गर्न आवश्यक ज्ञान जरुरी परेकालाई स्थिति अनुकूल प्रत्यक्ष अथवा जूम, वाट्सएप, भाइबर, इमो, मेसेन्जर, फोन आदि कुनै माध्यमबाट प्रशिक्षित गर्ने।
‘केन्द्रीय रेस्पोन्स टिम’ १५ जनाको बनाइएको छ। साथै, सातै प्रदेशमा संयोजक समेत तोकिएको छ। अस्पताल, स्थानीय स्वास्थ्य संस्था, संक्रमित व्यक्ति, संक्रमितका परिवार, स्थानीय स्वयंसेवीले ‘केन्द्रीय रेस्पोन्स टिम’ वा अभियानको प्रदेश संयोजक वा सदस्यलाई सम्पर्क गर्न सक्नेछन्।
प्रचार विभागको पहललाई ‘सेन्टर फर डेमोक्रेटिक इञ्जिनियर्सले साथ दिएको छ। बायोमेडिकल इञ्जिनियरहरुको देशभरको संयोजनको जिम्मेवारी इञ्जिनियर हरिराम दवाडीलाई दिइएको छ।
सेवाग्राही अस्पताल, संस्था, व्यक्तिले सम्पर्क गर्नका लागि मोबाइल नम्बरहरु समेत उपलब्ध गराइएको छ।
‘स्वास्थ्य उपकरण सहजीकरण अभियान’ आवश्यकता र परिस्थिति अनुरुप महामारी रहेसम्म जारी रहने प्रवक्ता शर्माले जानकारी दिए। स्वास्थ्य उपकरण विग्रिएको अवथा चलाउन नसकेको अवस्थामा निःशुल्क सेवा गर्ने स्वास्थ्य उपकरण सहजीकरण अभियानकर्मीलाई फोन गर्न शर्माले आग्रह गरे।
केन्द्रीय रेस्पोन्स टिममा रहेका बायोमेडिकल इञ्जिनियर समूहका निम्न व्यक्तिलाई सम्पर्क गर्न सकिने छ।
हरिराम दवाडी– संयोजक (९८५१०६५२०८), अमित कुमार चौधरी (९८५११३५४००),मुकुन्द खतिवडा (९८५१२४४७६०), सुशील तिमिल्सिना (९८४१६८८६५५), पंकज कुमार झा (९८५११६९१०९), ताचल निरौला (९८५१२४५५५०), आस्था न्यौपाने (९८५१११५७००), मणिराज पनेरु (९८४६५६५४७९), नितु श्रेष्ठ (९८६०५३४१५७), सुरज शर्मा (९८५१२७७७०८), प्रज्वल वाग्ले (९८४९९०६०३२), उत्तम श्रेष्ठ (९८४९२८९७९८), मिहिर खकुरेल (९८५१२२५४३६), दिपेश चौधरी (९८४१३८२३४६) र सुबोध अधिकारी (९८४९४८५६२६)।
अभियानलाई प्रदेश स्तरीय रूपमा संयोजन गर्ने टिम पनि बनाइएको छ। जसको विवरण र सम्पर्क नम्बर यसप्रकार छ।
प्रदेश १
१) हरि कुमार देव – संयोजक (९८५२०४९१४१)
२) प्रदिपराज साह (९८४९१३९२७९)
प्रदेश २
१) मनोज कुमार दास – संयोजक (९८५५०२४८२८)
२) सन्तोष कुमार साह (९८४९९३७९७७)
३) जुनाद इकबाल (९८१४२७४७०४)
बागमती प्रदेश
१) शिवलाल चालिसे – संयोजक (९८५५०६४८७८)
२) रवि रमण अधिकारी (९८५५०५२४८६)
गण्डकी प्रदेश
१) सुरेन्द्र पाण्डे–संयोजक (९८५६०३५९०४)
२) रबिन्द्र बास्ताकोटी (९८५६०३८४३०)
लुम्बिनी प्रदेश
१) अनुप चौधरी–संयोजक (९८५१२३३८५५)
२) शरद भन्डारी (९८५११५९५३९)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
