काठमाडौं–सहरी विकास राज्यमन्त्री रामवीर मानन्धरले जनताको जीवन रक्षा र जीवनस्तर सुधारका लागि सरकारले अधिकतम उपाय अवलम्वन गरिरहेको बताएका छन्। सोमबार बालाजु बाइपासमा निर्माणाधिन सुचना केन्द्र निर्माण उपभोक्ता समितिका पदाधिकारीसँगको छलफलमा मन्त्री मानन्धरले सरकारले कोभिड महामारी नियन्त्रण केन्द्रीत बजेट ल्याएको बताउँदै उपचार र खोप सुनिश्चितताका लागि बजेटको कमी नहुने दाबी गरे।
मंसिरमा हुने निर्वाचन अगाबै सम्भवभएसम्म सबै नागरिकलाई नि:शुल्क खोपको प्रवन्ध गर्नेगरी सरकारले काम गरिरहेको उनको भनाइ थियो।
खोप व्यवस्थापनका लागि २६ अर्ब ७५ करोड रुपैया बिनियोजन भएको बताउँदै मन्त्री मानन्धरले अबको केही दिनभित्र खोप आयत सुनिश्चित हुने बताए।
समृद्ध नेपाल सुखी नेपालीको राष्ट्रिय आकांक्षा पुरा हुनेगरी बजेट आएको दाबी गर्दै मन्त्री मानन्धरले सबै नेपालीले अपनत्व ग्रहण गर्ने जनमुखी बजेट आएको दाबी गरे।
सरकारले जनताको जीवन रक्षासँगै जीवनस्तर सुधारका लागि महत्वाकांक्षी बजेट ल्याएको उनको भनाइ थियो। विपद् सामना गरिरहेका जनताको समृद्धिको चाहना पुरा गर्न सरकारले सामाजिक सुरक्षा भत्ता ३३ प्रतिशत वृद्धि गरेको उल्लेख गर्दै सबै जानगरिकले गर्व गर्ने बजेट आएको बताए।
महामारिबीच ठुला विकास आयोजनाहरुको निर्माण चलिरहेको बताउँदै मन्त्री मानन्धरले विकास निर्माणका काममा सहजिकरणका लागि सरकारले काम गरिरहेको बताउँदै निर्माणाधिन आयोजनामा बजेटसहित अन्य प्राविधिक समस्या नहुने बताउँदै सहजिकरणका लागि अनुगमन थालिने जानकारी दिए।
केही नेताको व्यक्तिगत कुण्ठाका कारण राजनीति केही धुमील भएको बताउँदै जनताको समृद्धिको सपना पुरा गरेरै छाडिने उनको भनाइ थियो।
मन्त्री मानन्धरले तत्कालिन नेकपा र हाल एमाले भित्रका केही नेताहरुले जनमुखी काम गर्न नदिन खोजेको दबी गर्दै सबै अवरोधको सामना गर्दै सरकार जनताको हितमा निरन्तर काम गरिरहेको दाबी गरे।
सरकारले जनताको हितमा काम गरेको एमालेकै केही नेता र विपक्षी दलहरुलाई मन नपरेको बताउँदै मन्त्री मानन्धरले जनविरोधी तत्वहरुलाई आगामी चुनाव मार्फत् जनताले जवाफ दिने बताए।
राज्य मन्त्री मानन्धरले बेरोजगार युवालाई लक्षित गरि सरकारले ५ प्रतिशत ब्याजदरमा २५ लाखसम्मको कर्जाको व्यवस्था गरेको बताउँदै स्वरोजगार हुन चाहनेहरुका लागि सहजिकरण गरिने बताए। भूमिहिन दलित, सुकुम्बासी, जग्गाविहिनलाई आगामी आर्थिक वर्षमा जग्गाधनी पुर्जा उपलब्ध गराइसक्ने सरकारको योजना रहेको बताउँदै मन्त्री मानन्धरले दलित, मुस्लिम र मुक्त कमलरी महिलालाई निशुल्क उच्च शिक्षाको प्रवन्ध मिलाईने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
