फिचर फिल्म ‘महानगर’ अमेरिकाको ब्रुकलिन फिल्म फेस्टिभलमा

सिनेमा

नेपाल लाइभ आइतबार, वैशाख २६, २०७८ १७:०१

काठमाडाैं- मोहन राईले निर्देशन गरेको फिचर फिल्म 'महानगर' अमेरिकाको ब्रुकलिन फिल्म फेस्टिभलका लागि छनोटमा परेको छ।

भारतको कोलकाता फिल्म फेस्टिभलका क्रममा 'वर्ल्ड प्रिमियर' गरिएको महानगर अमेरिकाको ब्रुकलिन फिल्म फेस्टिभलमा पहिलो स्क्रिनिङ हुनेछ। अर्थात् यो फिल्म फेस्टिभलको उद्घाटन समारोहमा देखाइनेछ।

कोलकाता फिल्म फेस्टिभलमा फिल्म एसियन छनोटअन्तर्गत 'दि नेटवर्क फर दि प्रमोसन अफ एसियन सिनेमा (नेटप्याक) अवार्ड'का लागि प्रतिस्पर्धात्मक विधामा छनोट भएको थियो।
निर्देशक राईले यसअघि तेस्रो लिंगी अञ्‍जली लामाको जीवनीमा आधारित डकुमेन्ट्री र छोटो फिल्म सखीको निर्देशन गरिसकेका छन्। महानगर भने उनको डेब्यु फिचर फिल्म हो।

फिल्मले विश्वका ९३ देशबाट सहभागिताका लागि आएका २५ सय फिल्मबाट फेस्टिभलमा ठाउँ बनाएको हो। यो फेस्टिभलको २४औं संस्करण हो। फेस्टिभल मे २८ देखि जुन ६ सम्म चल्नेछ।

कार्म र मेनुका प्रधानको मुख्य भूमिका रहेको फिल्मले एक रातको कथा भन्छ। सानो घटनाका कारण सँगै रात गुजार्न बाध्य उनीहरुको जीवनमा त्यही रातले ल्याउने परिवर्तन फिल्मको कथा हो। फिल्ममा अनोज पाण्डे, शोविता अधिकारी, जीवन बराल, परीक्षितविक्रम राणा, चन्द्र पाण्डेलगायत कलाकारले पनि अभिनय गरेका छन्।

ब्रुकलिन फिल्म फेस्टिभलमा यसअघि दुईवटा नेपाली फिल्मले सहभागिता जनाइसकेका छन्। सन् २००९ मा ‘सारी सोल्जर्स’ यो फेस्टिभलमा छनोट भएको थियो भने सन् २०१७ मा सुनिल पाण्डे निर्देशित छोटो फिल्म ‘अनन्त यात्रा’ पनि यहाँ छनोटमा परेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?

सहकारी ठगी प्रकरण: न्यायाधीश अधिकारीको इजलासमा रवि लामिछानेसहित ३९ जनासँग बयान सुरू