आर्थिक अनियमितता गर्ने दुई एसपी र एक इन्सपेक्टरलाई कारबाही

सुरक्षा/अपराध

नेपाल लाइभ शुक्रबार, वैशाख २४, २०७८ १२:०१

काठमाडौं– आर्थिक अनियमितता गरेको पुष्टि भएपछि दुई एसपी र एक इन्सेक्टरलाई प्रहरी प्रधान कार्यालयले कारबाही गरेको छ। एसपीद्वय रामेश्वरप्रसाद यादव र विमल बस्नेत तथा इन्सपेक्टर मेघराज चौरसियालाई कारबाही गरिएकोे हो।

एसपीद्वयको पाँच ग्रेड घटुवा गरिएको छ भने इन्सपेक्टर चौरसियाको चार ग्रेड घटुवा गरिएको प्रहरी प्रधान कार्यालय स्रोतले जानकारी दिएको छ। उनीहरु तीनै जनाले प्रदेश ट्राफिक प्रहरी कार्यालय कर्णालीमा हुँदा आर्थिक अनियमतिता गरेको पुष्टि गर्दै प्रहरी हेडक्वाटरले कारबाही गरेको हो। उनीहरुले गैह्रव्यावसायिक काम गरी रकम असुली गरेको भन्दै उजुरी परेपछि प्रहरी प्रधान कार्यालय छानबिन अघि बढाएको थियो।

गत वर्षको मंसिर दोस्रो साता प्रहरी प्रधान कार्यालयको सिफारिसमा उनीहरुलाई निलम्बन गरेर हेडक्वाटरले छानबिन थालेको थियो। एसएसपी उमेश रन्जितकारको नेतृत्वमा बनेको समितिले उनीहरुको छानबिन गरेको छानबिनका क्रममा उनीहरुले सेवाग्राहीहरुबाट रकम असुलेको पुष्टि भएको हेडक्वाटर स्रोतका भनाइ छ। उनीहरुले चालक र बडिगार्डमार्फत रकम असुल्न लगाएको गैह्रव्यावसायिक काम गरेको छानबिन समितिले पुष्टि गरेको छ।

छानबिनका क्रममा रकम असुली गरेर बैंकमा जम्मा गर्न लगाएको भौचर समेत भेटिएको थियो। अहिले कारबाहीमा परेका दुबै एसपी विगतमा पनि विवादमा मुछिएका व्यक्ति हुन्। एसपी यादव यसअघि डिएसपी भएका बेला रुपन्देहीमा छँदासमेत निलम्बनमा परेका थिए।

शक्तिकेन्द्रको दवावमा उनको निलम्बन केही समयमै हेडक्वाटरले फुकुवा गरेको थियो। सिन्धुलीमा एसपी छँदा क्रसर व्यवसायीबाट रकम असुल्ने गरेको भन्दै उनीमाथि उजुरी परेको थियो। सो क्रममा पनि उनी एक वर्ष नपुग्दै तानिएका थिए। २०५५ सालमा राष्ट्रिय अनुसन्धानबाट जागिर सुरु गरेका उनी सेवा स्थान्तरण गर्दै २०५८ सालमा जनपद प्रहरीमा आएका व्यक्ति हुन्।

उता एसपी बस्नेत पनि यसअघि विवादमा मुछिएका प्रहरी अधिकृत हुन्। अख्तियारको धनकुटा कार्यलयमा छँदा बस्नेत अख्तियारको गाडीसहित होटलमा पुगेपछि स्थानीयले नियन्त्रणमा लिएका थिए। त्यसबेला प्रमुख आयुक्त लोकमानसिंह कार्कीको दवावमा उनीमाथिको कारबाही रोकिएको थियो। २०५३ सालमा राष्ट्रिय अनुसन्धानबाट सेवा शुरु गरेका बस्नेत २०५८ सालमा सेवा स्थानान्तरण भएर जनपद प्रहरीमा आएका थिए। अहिले कारबाही भाेगेका एसपी यादव २०७६ असोजदेखि २०७७ भदौसम्म, बस्नेत २०७५ चैतदेखि २०७६ असोजसम्म कर्णाली प्रदेशको ट्राफिक प्रमुख भएका थिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हसन राईको ‘नायुमा’ म्युजिक भिडियो सार्वजनिक

सुनकाे मूल्यमा सामान्य वृद्धि, कतिमा हुँदैछ कारोवार ?

भोजपुरमा वृद्धिमुखी उद्यमशीलता र रोजगारी प्रवर्द्धन कार्यक्रम