लप्पन छप्पन निर्देशक मुकुन्दले घोषणा गरे एक्स ९

सिनेमा

नेपाल लाइभ शुक्रबार, वैशाख ३, २०७८ १०:१५

काठमाडाैं–निर्देशक मुकुन्द भट्टले नयाँ फिल्म एक्स ९ निर्देशन गर्ने घोषणा गरेका छन्। चलचित्र लप्पन छप्पन र यसको सिक्वेल लप्पन छप्पन २ निर्देशन गरिसकेका भट्टले तेस्रो फिल्म एक्स ९ निर्देशनको घोषणा गरेका हुन्।

उनले सामाजिक सञ्जाल मार्फत एक्स ९ को निर्देशन गर्ने जानकारी दिएका हुन्। यो फिल्मलाई नेपालमा बनेका अहिलेसम्मकै सबैभन्दा धेरै थ्रिलर र द्वन्द्व भएको फिल्म भनिएको छ।

एक्स ९ लेभल १ भनिएको फिल्म निकै महँगो बजेटमा बन्न लागेको नेपाली फिल्ममध्ये पर्ने पनि भट्टको भनाइ छ। कलाकारको आधिकारिक जानकारी भने दिइएको छैन। यसलाई यादव प्रसाद पाठकले निर्माण गर्दै छन्।

फिल्ममा नायक अनमोल केसीलाई मुख्य भुमिकामा अफर गरिएको तर उनले जवाफ नफर्काएको बताइएको छ।

फिल्ममा नायक सौगात मल्ल, पुष्प खड्का, निश्चल बस्नेत लगायतको पनि मुख्य भुमिका रहने बताइएको छ । तर यसको औपचारिक जानकारी भने आउन बाँकी छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?

सहकारी ठगी प्रकरण: न्यायाधीश अधिकारीको इजलासमा रवि लामिछानेसहित ३९ जनासँग बयान सुरू