प्रहरीले बरामद गरेको युरेनियम-२३८ थप जाँचका लागि चीन पठाइयो

सुरक्षा/अपराध

नेपाल लाइभ शुक्रबार, चैत १३, २०७७ १६:४५

काठमाडौं- नेपाल प्रहरीले बरामद गरेको युरेनियम-२३८ थप जाँचका लागि चीन पठाइएको छ। राष्ट्रिय विधि विज्ञान प्रयोगशाला (नास्ट)मा जाँच गर्दा प्रहरीले बरामद गरेको पदार्थ अप्रशोधित युरेनियम (युरेनियम-२३८) भएको रिपोर्ट आएको थियो।

बरामद साढे २ किलो अप्रशोधित युरेनियमको मात्रा कति छ भनेर जाँच गर्न चीन पठाइएको महानगरीय प्रहरी परिसर काठमाडौंका प्रमुख, एसएसपी अशोक सिंहले जानकारी दिए। दुई पटकसम्म नास्टमा जाँच गर्दा प्रहरीले बरामद गरेको पदार्थ अप्रशोधित युरेनियम रहेको भन्ने रिपोर्ट आएको थियो। युरेनियम-२३८ अप्रशोधित युरेनियम हो। यसलाई प्रशोधित गरेपछि युरेनियम-२३५ बनाइछ।

महानगरीय प्रहरी कार्यालय रानिपोखरीको विशेष टोलीले गत फागनु २८ गते साढे २ किलो युरेनियम-२३८ सहित ४ जनालाई पक्राउ गरेको थियो। रामेछाप लिखु तामाकोशी–५ बस्ने ४० वर्षीय नारायणसिंह तामाङ, सोही ठाउँकी ४० वर्षीया जानुका तामाङ, रामेछापकै मन्थली नगरपालिका–४, का २० वर्षीय प्रकाश चौहान र सिन्धुलीको सुनकोशी–४ बस्ने २० वर्षीय मनोज न्यौपानेलाई प्रहरीले पक्राउ गरेको थियो।

परेकाहरूविरुद्ध विस्फोटक पदार्थसम्बन्धी ऐन २०१८ अनुसार म्याद थप गरेर परिसर काठमाडौंले अनुसन्धान गरिरहेको छ। चीनबाट परीक्षण रिपोर्ट आएपछि पक्राउ परेकाहरुविरुद्ध मुद्दा दर्ता गर्ने प्रहरीको तयारी छ।

प्रहरीले बरामद गरेको युरेनियम २० वर्षअघि नेपाल भित्रिएको अनुसन्धानबाट खुलेको छ। भारत खानीमा काम गर्ने अमर लामा भन्ने व्यक्तिले २० वर्षअघि उक्त युरेनियम ल्याएको प्रहरीको भनाइ छ। लामा हाल अमेरिकामा छन्।

बरामद भएको युरेनियम लामाकी बुहारी जानुकासँग थियो। आफ्नो विवाह हुनुभन्दा अघिनै उक्त पदार्थ घरमा भएको जानुकाले बयानमा बताएकी छिन्। आफूलाई युरेनियम हो भन्ने थाहा नभएको तर, ससुराले पुरानो वस्तु हो घरमा राख्दा राम्रो हुन्छ भनेपछि राखेको उनको बयान छ।

पुराना सामानको किनबेच गर्दै आएका नारायणसिंहले उक्त पदार्थ महँगोमा बिक्री हुनसक्ने भन्दै थोरै लिएर गएको र पछि महँगोमा बिक्री हुने वस्तु रहेछ, करोड भन्दा बढी रकम आउँछ भनेपछि आफू पनि बेच्न तयार भएको प्रहरीसमक्ष बयान दिएकी छिन्। जानुकाले भने आफूलाई युरेनियम हो भने जानकारी नै नभएको दाबी गर्दै आएकी छिन्।

सम्बन्धित समाचार

काठमाडौंमा २० वर्षदेखि लुकाइएको थियो युरेनियम, कहाँबाट आयो, कहाँ थियो गन्तव्य?

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्व राजा ज्ञानेन्द्रलाई लक्षित गर्दै प्रचण्डले भने – त्यतिबेला पाँच वर्ष शासन गर्न पाएको भए भाइमारालाई ठेगान लगाउँथें

प्राधिकरणको कार्यकारी निर्देशकमा सुवेदी नियुक्त

पूर्वविशिष्टलाई सुविधा दिने तयारी छैन : उपप्रधानमन्त्री सिंह