काठमाडौं- संयुक्त राष्ट्रसंघीय मानवअधिकार उच्चायुक्तको कार्यालय (ओएचसीएचआर)ले पत्रकार जमाल खाशोग्गीको हत्याको छानबिनमा संलग्न एक वरिष्ठ अधिकारीलाई साउदी अरबले धम्की दिएको आरोप लगाएको छ।
बिहीबार ओएचसीएचआरका प्रवक्ता रुपर्ट कोल्भिलेले ‘द गार्डियन’लाई हत्याको छानबिनको क्रममा युएन विज्ञ एग्नेस क्याल्लमार्डलाई धम्की दिएको बताएका हुन्।
द गार्जियनले मंगलबार कल्लामार्डलाई उद्धृत गर्दै लेखेको छ,‘साउदी अधिकारीले उनलाई जमाल खाशोग्गी हत्याको अनुसन्धानमा संलग्न भए ‘ख्याल राख्नेछौं’ भनेर धम्की दिएको थियो।’
कल्लामार्डले यस खतराको बारेमा संयुक्त राष्ट्र सुरक्षा र अधिकारीहरुलाई जानकारी गराएको कोल्भिलेले बताएका छन्।
‘जनवरी २०२० मा जेनेभामा सउदी र ओएचसीएचआरका अधिकारीहरूबीच भएको बैठकमा कल्लामार्डको अभिभावकलाई उक्त धम्की दिइएको थियो र उनले आफ्ना सहकर्मीलाई उक्त घटनाबारे बताएका थिए,’ उनले भने।
अक्टूबर २०१८ को इस्तानबुल वाणिज्य दूतावासमा सउदी एजेन्टहरूले खशोगगीको हत्या गरेका थिए। यो घटनाको संयुक्त राष्ट्र अनुसन्धानको नेतृत्व गरेका थिए।
साउदी अधिकारीहरूले यो बिषयमा कुनै जवाफ दिन चाहेनन्।
यसरी भएको थियो खाशोग्गीको हत्या
साउदीका कट्टर आलोचक मानिने खाशोग्गी एक चर्चित पत्रकार तथा लेखक हुन्। उनी ‘अल अरब’ न्यूज च्यानलका पूर्वप्रधान सम्पादकसमेत हुन्।
खाशोग्गी सन् २०१७ सेप्टेम्बरमा साउदीबाट भागेर अमेरिका पुगेका थिए। उनले देशबाहिरबाटै साउदी सरकार र युवराज सलमानको आलोचना गर्दै लेखहरु लेख्दै आएका थिए।
उनले पछिल्लो समय ‘द वासिङटन पोस्ट’मा नियमित स्तम्भ लेख्दै आएका थिए। आफ्नो पूर्वश्रीमतीसँग सम्बन्धविच्छेद गरेका उनी टर्कीको एक महिलासँग विवाह गर्ने तयारीमा थिए।
सम्बन्धविच्छेदको कागजपत्र लिन सेप्टेम्बर २८ मा उनी पहिलोपटक टर्कीस्थित साउदी अरबको वाणिज्य दूतावासमा गएका थिए।
उनलाई त्यहाँबाट फेरि आउन भनिएकाले उनी २ अक्टोबर २०१८ मा टर्कीको राजधानी इस्तानबुलस्थित दूतावास गएका थिए। तर, उनको हत्या भयो। उनको मृत शरिरलाई क्षतविक्षत अवस्थामा रहेको थियो।
खाशोग्गीलाई हत्या साउदी राजकुमारले नै गराएको अनुमान छ। सुरुमा साउदीले खाशोग्गीको हत्या भएको नै स्वीकार गरेको थिएन।
तर, अन्तर्राष्ट्रिय दबावसँगै खाशोग्गीको हत्या भएको स्वीकार गरेको थियो, यसको जिम्मा पनि लिएको थियो। तर साउदी राजकुमार सलमानको संलग्नता भने नरहेको जनाइएको थियो।
यो घटनामा टर्कीले १८ संदिग्धलाई बुझाउन माग गरेको थियो, जसमा १५ एजेन्ट थिए र उनीहरु हत्याको योजना सफल बनाउन इस्तानबुल पुगेको टर्कीको दाबी थियो। तर, साउदीले टर्कीको माग अस्वीकार गरेको थियो।
यस घटनामा साउदीको अदालतले पाँचजनालाई मृत्युदण्डको फैसला सुनाएको भएपनि पछि २० वर्षको जेल सजायमा बदलिएको छ।
साउदीको सरकारी अभियोजक शलान अल-शलानले त्यसबेला भनेका थिए, ‘यो मुद्दामा ती पाँचै जनालाई मृत्यु दण्डको फैसला सुनाइएको छ। किनकी उनीहरु प्रत्यक्ष रुपमा संलग्न थिए।’
यसका साथै अरु तीनलाई २४ वर्षको जेल सजाय सुनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
