काठमाडाैं- चीनले यूरोपेली संघ (ईयू)ले झुठो र गलत सूचना फैल्याएर देशकाे सार्वभौमिकता र हितमा नोक्सान पुर्याएको आराेप लगाएकाे छ।
सिनजियाङ प्रान्तका उइगर मुस्लिमविरुद्ध कठोर नीति लिएको र अल्पसंख्यक उनीहरूको मानवअधिकार उल्लंघन गरेको भन्दै इयूले चीनियाँ अधिकारीहरूमाथि प्रतिबन्ध लगाएपछि चीनले यस्तो प्रतिक्रिया दिएकाे हाे।
‘ईयूले मानव अधिकारबारे चीनलाई 'लेक्चर' दिन बन्द गर्नुपर्छ। आन्तरिक मामिलामा हस्तक्षेप गर्नबाट पछाडि हट्नुपर्छ,’ मंगलबार ग्लोबल टाइम्समा प्रकाशित समाचारमा उल्लेख छ।
उइगर अल्पसङ्ख्यक समुदायको अधिकार हनन गरेको भन्दै कैयौँ पश्चिमा देशले चिनियाँ अधिकारीहरूमाथि प्रतिबन्ध लगाएका छन्।
धेरैजसो मुस्लिम भएको उक्त समुदायका मानिसहरूलाई चीनले सिनजियाङको पश्चिम-उत्तर क्षेत्रमा रहेका शिविरमा थुनामा राखेको छ। त्यहाँ उनीहरूलाई यातना दिइएको, श्रममा लगाइएको र यौन दुर्व्यवहार गरेको भन्ने आरोप चीनमाथि लागेको छ।
युरोपेली संघ, यूके, अमेरिका र क्यानडाले चीनमाथि आर्थिक प्रतिबन्धहरू लगाएका हुन्। चीन सरकार समर्थित वेबसाइट द पेपरले ईयूकाे कदम अन्तर्राष्ट्रिय कानूनको उल्लंघन भएकाे जनाएकाे छ।
‘युरोपेली पक्षबाट चीनको विषयमा तथ्यलाई नजरअन्दाज गरिएको छ। यो सिधै अन्तर्राष्ट्रिय कानुनको उल्लंघन हो। यस्ता कार्यले युरोपेली संघ र चीनको सम्बन्ध बिग्रिएको छ,’ समाचारमा लेखिएको छ।
यता चीनले १० जनामाथि प्रतिबन्ध लगाउने र युरोपमा रहेका चीनको सार्वभौमसत्ता र स्वार्थकलाई आघात पुर्याउने अनि मिथ्या सूचना फैलाउने ४ वटा संस्थालाई पनि प्रतिबन्ध लगाउने जनाएको छ। चीनको प्रतिबन्ध लागेका व्यक्तिहरूले कुनै पनि प्रयोजनका लागि चीनमा प्रवेश गर्न पाउने छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772349218.png)
-1764146706.png)
-1772271039.png)
