कृष्णलिलाको ट्रेलरमा पुष्पले देखाएको 'गतिलो पारा'

सिनेमा

नेपाल लाइभ आइतबार, चैत ८, २०७७ १२:२१

काठमाडाैं- नायक पुष्प खड्का म्युजिक भिडियोबाट फिल्ममा छिरेका कलाकार हुन्। केही समय अघिमात्रै उनले अभिनय गरेको फिल्म मारुनीबाट पाएको प्रसंशा अझै कम भएको छैन।

हलमा खासै गतिलो व्यापार नगरेको फिल्म मारुनीले युट्युबमा सार्वजनिक भएलगत्तै भने निकै प्रसंशा पायो। त्यही चर्चा सेलाउन नपाउँदै खड्काको अर्को चर्चा सुरु भएको छ।

फिल्म कृष्ण लिलाको ट्रेलर सार्वजनिक हुने बित्तिकै उनलाई दर्शकले 'अभिनयका राजा' भनेर पुकारेका छन्। चैत २७ गतेदेखि हलमा लाग्न लागेको फिल्मले 'गतिलो पारा' देखाएको प्रतिक्रिया धेरैले दिएका छन्।

कृष्ण लिलाको ट्रेलरमा पुष्पको बाहुल्यता अन्य कलाकारको तुलनामा बढी छ। नायिका श्रद्धा क्षेत्री र पुष्पको मुख्य भुमिका रहेको फिल्म कृष्ण लिलालाई दीपक ओलीले निर्देशन गरेका हुन्। फिल्ममा यी दुई कलाकारसँगै रविन्द्र झा, बुद्धि तामाङ, भावना गुरुङ, नविन रेग्मी लगायतको अभिनय छ।

आरआर फिल्म प्रोडक्सनको ब्यानरमा बनेको फिल्मलाई पत्रकार समेत रहेका लक्ष्मण सुवेदीले लेखेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी ठगी प्रकरण: बयान सकियो, रविलाई फेरि प्रहरीको जिम्मा लगाउन अदालतको आदेश

पौने पाँच करोड भ्रष्टाचार गरेको अभियोगमा जलस्रोतका इन्जिनियरविरुद्ध विशेष अदालतमा मुद्दा दायर

जय ट्रफीको फाइनलमा पुलिस र आर्मी भिड्ने