फिनल्यान्ड बन्याे सबैभन्दा बढी खुसी रहने देश, नेपाल ८७ औं स्थानमा

विश्व

नेपाल लाइभ शनिबार, चैत ७, २०७७ १२:०८

काठमाडाैं- फिनल्यान्ड लगातार चौथोपटक सबैभन्दा बढी खुसी रहने देश बनेको छ। संयुक्त राष्ट्र संघले जारी गरेको ‘विश्व खुशी रिपोर्ट’ मा फिनल्यान्ड लगातार चौथोपटक पहिलो बनेको हो।

कोराना महामारीको बीचमा फिनल्याण्डका नागरिक धेरै आत्मविश्वासी देखिएको जनाइएको छ। फिनल्यान्डपछि क्रमशः डेनमार्क, स्वीटजरल्यान्ड, आइसल्यान्ड, नेदरल्यान्ड्स, नर्वे, स्वीडेन, लक्जेम्बर्ग र अष्ट्रिया छन्।

यता शीर्ष १० मा परेको न्युजील्यान्ड नवौं स्थानमा पुगेको छ। गतवर्ष अमेरिका यस सूचीमा १८ औं स्थानमा थियो। यसपटक १४औं स्थानमा छ। यस्तै बेलायत १८ औं स्थानमा पुगेको छ।

प्रतिवेदनका अनुसार बुरुण्डी, यमन, तान्जानिया, हाइटी, मलावी, लेसोथो, बोत्सवाना, रुवाण्डा, जिम्बावे र अफगानिस्तान भारतभन्दा सबैभन्दा कम खुशी भएकाे देशमा परेकाे छ।

त्यस्तै, छिमेकी मुलुक चीन गतवर्ष यस सूचीमा ९४ औं स्थानमा थियो, अहिले १९ औं स्थानमा छ। यता नेपाल ८७, बंगलादेश १०१, पाकिस्तान १०५, म्यानमार १२७ र श्रीलंका १२९ स्थानमा छ।

प्रतिवेदन तयार गर्न संयुक्त राष्ट्र संघले १४९ देशकाे सर्वेक्षण गरेकाे थियाे। यो रिपोर्ट मुख्यतया: जीवनस्तरकाे गुणस्तर, सकारात्मक र नकारात्मक भावनाको आधारमा तयार गरिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति

निर्मला पन्त प्रकरण : गाली बेइज्जती मुद्दामा पत्रकार भण्डारीलाई एक महिना कैद