भारतकाे मध्य प्रदेशका तीन सहरमा लकडाउन

विश्व

नेपाल लाइभ शनिबार, चैत ७, २०७७ १०:३२

काठमाडौं- भारतस्थित मध्य प्रदेशका तीन सहरमा लकडाउन लागू गरिएको छ। शुक्रबार मुख्यमन्त्री शिवराज सिंह चौहानले स्वास्थ्य अधिकारीहरुसँग छलफल गरेर लकडाउन गर्ने निर्णय गरेका हुन्।

भारतीय सञ्चारमाध्यमहरुका अनुसार शनिबारदेखि भोपाल, इन्दौर र जबलपुरमा लागू हुनेछ। यी तीन सहरको विद्यालय, कलेज पनि मार्च ३१ सम्म बन्द रहनेछ।

‘राज्यमा कोरोना संक्रमितको संख्या बढ्दै गएको छ। पुनः गम्भीर अवस्थाबाट गुज्रन नपरोस् भनेर लकडाउन लागू गरेको हुँ। सबैले कोरोना संक्रमणबाट बच्च अनिवार्य मास्क लगाइदिनुहाेला र सामाजिक दूरी कायम गर्दिनुहाेला,’ उनले भनेका छन्।

उनकाअनुसार लकडाउन राति साढे १० बजेदेखि बिहान ६ बजेसम्म लागू हुनेछ। यस समय अतिआवश्यक क्षेत्र भने सञ्चालन गर्न दिइनेछ।

यता मुख्यमन्त्री चौहानले कृषकहरूलाई बालीनाली क्षतिको भर्पाइ दिने पनि बताएका छन्। ‘असिना र वर्षाका कारण बालीनालीमा पुगेको क्षतिको किसानहरूले चिन्ता नलिनु । सर्वेक्षणको लागि निर्देशन दिइएको छ। सर्वेक्षण छिट्टै सुरु हुनेछ र क्षतिपूर्ति दिइनेछ,’ उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सदन बस्नुअघि सभामुखले राखे कार्य व्यवस्था परामर्श समितिको बैठक

बारपाकीले बिर्सन नसकेका भूकम्प

आजदेखि बजेट अधिवेशन, प्रधानमन्त्री ओलीले सम्बोधन नगर्ने