भारतमा एकै दिन थपिए ४० हजार काेराेना संक्रमित

विश्व

नेपाल लाइभ शनिबार, चैत ७, २०७७ १०:१३

काठमाडाैं- भारतमा शुक्रबार कोरोना भाइरसका करिब ४० हजार नयाँ संक्रमित थपिएका छन्। नयाँ संक्रमितको यो संख्या गत २९ नोभेम्बर यताकै सबैभन्दा उच्च हो।

स्वास्थ्य मन्त्रालयका अनुसार भारतमा शुक्रबार थपिएका ३९ हजार ७ सय २६ सँगै कुल संक्रमितकाे संख्या एक करोड १५ लाख १४ हजार नाघेको छ।

यस्तै भारतमा १९ हजार संक्रिय संक्रमित रहेका छन्।

पछिल्लो २४ घण्टामा थपिएका नयाँ संक्रमितमध्ये ६५ प्रतिशत महाराष्ट्रमा फेला परेका हुन्। पञ्जाब, केरला, कर्नाटका, गुजरात र राजधानी दिल्लीमा कोरोना संक्रमित धेरै फेला परेकाे मन्त्रालयले जनाएकाे छ।

भारतमा पछिल्लाे २४ घण्टामा कोरोना संक्रमणबाट थप १५४ जनाको मृत्यु भएको छ। याेसँगै मृतककाे संख्या एक लाख ५९ हजार ३७० पुगेकाे छ।

मन्त्रालयका अनुसार अहिलेसम्म चार सय मानिसहरु कोरोनाको नयाँ प्रकार (भेरियन्ट) बाट संक्रमित भएका छन्। जसमध्ये १५८ जना मानिसहरु पछिल्लो दुई सातामा फेला परेका छन्।

पछिल्लो समय कोरोना संक्रमण पुनः बढ्न थालेपछि भारतका केही सहरले रात्रीकालीन कर्फ्यू र धार्मिक तथा राजनीतिक भेलामा रोक लगाइएकाे छ। शुक्रबार भारतको महाराष्ट्रले थिएटर तथा सिनेमा हलमा कुल क्षमताको आधा मानिस मात्र राख्न पाइने नियम ल्याएको छ।

भारतले कोरोना महामारी नियन्त्रणको लागि अहिले खोप अभियान पनि चलाइरहेको छ। अहिलेसम्म तीन करोड ५० लाखभन्दा धेरै मानिसले खोप लिइसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सिन्धुपाल्चोकमा भूकम्पको धक्का महसुस

सदन बस्नुअघि सभामुखले राखे कार्य व्यवस्था परामर्श समितिको बैठक

बारपाकीले बिर्सन नसकेका भूकम्प